10 قازان. الماتى. ادام قۇقىقتارى مەن زاڭدىلىقتى ساقتاۋ جونىندەگى حالقارالىق بيۋرونىڭ ءباسپاسوز زالى. اۋەلدە 11 قازاندا «استانا» قوناق ۇيىندە وتەدى دەپ جوسپارلانعان وپپوزيتسيالىق ساياساتكەر،  دەموكراتيالىق پارتيا باستاماشىل توبىنىڭ جەتەكشىسى جانبولات مامايدىڭ  "جاڭاوزەن. قاندى قىرعىنىنا 10 جىل" دەرەكتى ءفيلمىنىڭ پرەزەنتاتسياسى ءوتتى.

كورسەتىلىمنەن بۇرىن: «بيلىك جاڭاوزەن قاسىرەتى – جاڭاوزەن شىندىعىنىڭ اشىلۋىنان قاتتى قورقىپ وتىرعانى كورسەتەتى. نازارباەۆتىڭ بيلىگى تىكەلەي جاڭاوزەن قىرعىنىنا قاتىسى بار. سولار تىكەلەي سونى ۇيىمداستىردى. وزدەرى اتىپ، وزدەرى ازاپتاپ، وزدەرى تۇرمەگە قامادى. جاڭاوزەن قاسىرەتىنە جاۋاپتى بىراق ادام – ول نۇرسۇلتان نازارباەۆ»، – دەدى دەمپارتيا جەتەكشىسى جانبولات ماماي.

فيلمدە جاڭاوزەن قىرعىنىنا جاۋاپتى دەپ ەكس-پەزيدەنت ن.نازارباەۆپەن بىرگە سول كەزدەگى لاۋازىمدىلار قاسىموۆ، كوشەرباەۆ، داۋىلباەۆ، بەكتاسوۆتار اتالادى.

فيلم جاڭاوزەن قىرعىننىڭ كۋاگەرلەرىنىڭ قاتىسۋىمەن دايارلانعان.

اتالعان دەرەكتى فيلمدە جاڭاوزەن وقيعاسىنا بايلانىستى 3 جىلعا سوتتالعان مۇرات جۇماعاليەۆ: «قاسىمىزداعى ادامدار قۇلاپ جاتقان كەزدە بارىپ حالىقتى بوەۆوي وقپەن اتىپ جاتقانىنا كوزىمىز جەتتى. وعان دەيىن ەش ويلاعامىز جوق»، – دەگەن پىكىرى جانە الاڭدا جالاقى تالابىمەن 25 مامىردان باستاپ تۇرعان نۇرجان نارەنوۆتىڭ:  "16 جەلتوقساندا "وزەنمۇنايگاز" فورماسىنداعى ادامدار ساحنانى قيراتىپ ارانداتا باستادى. 17 جەلتوقساندا الاڭدا 15-20 مىڭ ادام بولدى", – دەگەن پىكىرلەرى دە كەلتىرىلگەن.

فيلمدە بۇدان وزگە  دە سول كۇنى الاڭدا بولعان، ازاپتالىپ، سوتتى بولعاندار جانە ولاردىڭ جاقىندارى سوزىندە بيلىكتەن وق اتادى دەپ كۇتپەگەندەرىن، ال سونىمەن بىرگە تۇرمەدە ازاپتاۋ،جالالاۋلاردىڭ فاشيستىك دەڭگەيگە جەتكەنى تۋرالى ايتادى.

كورسەتىلىمنەن كەيىن فيلم اۆتورى جانبولات ماماي، تاريح عىلىمدارىنىڭ دوكتورى، پروفەسسور ەسەنعازى قۋاندىق، جاڭاوزەن وقيعاسىن تاقىرىپ ەتكەن «قوڭىز» اتتى كوركەم شىعارمانىڭ اۆتورى رىسبەك دابەي ءسوز سويلەپ جاڭاوزەن شىندىعىنىڭ اشىلۋى كەرەكتىگىن باسا ايتتى.

سونداي-اق، ءفيلمنىڭ تۇساۋ كەسەرىندە وپپوزيتسيالىق ساياساتكەر جانبولات ماماي جازۋشى رىسبەك دابەيدىڭ اتالمىش  «قوڭىز» رومانى  ەۋروپادا اعىلشىن جانە ورىس تىلىندە شىعۋ الدىندا ەكەنىن حابارلادى.

"The Qazaq Times"