قازاقستاندىقتاردىڭ ءبىر بولىگى كوپتەن كۇتكەن Pfizer ۆاكتسيناسى قاراشا ايىنىڭ ورتاسىنا دەيىن جەتكىزىلەدى. بۇل جونىندە بەيسەنبى كۇنى جۋرناليستەرگە دەنساۋلىق ساقتاۋ ۆيتسە-ءمينيسترى مارات شورانوۆ حابارلادى.
«كومپانيا الداعى ءبىر اپتادا جەتكىزۋگە ۋادە بەردى. Pfizer ۆاكتسيناسى 8-14 قاراشا ارالىعىندا جەتكىزىلۋى ءتيىس» دەدى شورانوۆ. ونىڭ سوزىنەن Vlast سايتى ءۇزىندى كەلتىرەدى.
ۆيتسە-ءمينيستردىڭ سوزىنە قاراعاندا، قازاقستان مەن Pfizer اراسىندا جاسالعان كەلىسىمگە ساي ەكپە تاسىمالدانادى. ەلگە 4 ملن ۆاكتسينا جەتكىزىلەدى. ول 2 ملن ادامعا ەكپە ەگۋگە جەتەدى.
وسىعان دەيىن قازان ايىنىڭ باسىندا دەنساۋلىق ساقتاۋ ءمينيسترى كوروناۆيرۋسقا قارسى Pfizer ەكپەسىنىڭ 4 ميلليون دوزاسىن ەلگە جەتكىزۋ بويىنشا كەلىسىم جاسالعانىن حابارلاعان ەدى. گەرمانيالىق عالىمدار ويلاپ تاۋىپ، اقش-تا شىعارىلاتىن بۇل ەكپەنىڭ تيىمدىلىگى 95 پايىزدان اسادى. Pfizer – ددسۇ مەن ەۋروپا العاش مويىنداعان ۆاكتسينالاردىڭ ءبىرى.
ۇكىمەت جوسپارىنشا، قازاقستاندا بۇل ۆاكتسينا ءبىرىنشى كەزەكتە 12-17 جاستاعى جاسوسپىرىمدەرگە جانە جۇكتى ايەلدەرگە سالىنادى.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى