ەپ دەلەگاتسياسىنىڭ جەتەكشىسى تايۋان پرەزيدەنتىمەن كەزدەستى. فوتو: VOA

قىتايدىڭ تايۋانعا (تايۆان) قاراتقان قىسىمى كۇشەيىپ تۇرعان تۇستا ەۋروپارلامەنت تايۋانعا العاش رەت رەسمي دەلەگاتسياسىن جىبەردى.  تايبەيگە ساپارلاي باردى. ءتىپتى، ەۋروپا وداعى تايۋانعا ءتيىستى قولداۋ كورسەتەتىن بىلدىرگەن دەلەگاتسيا جەتەكشىسى «سىزدەر جالعىز ەمەسسىزدەر» دەپ كەتتى.

كەشە، ەۋروپارلامەنتتەگى دەموكراتيالىق ۇدەرىستەرگە سىرتقى ارالاسۋدى زەرتتەيتىن ارنايى كوميتەت دەلەگاتسياسى تايۋان پرەزيدەنتى تساي يىڭ ۆىن حانىممەن كەزدەستى. كەزدەسۋدە پرەزيدەنت تساي ەۋروپارلامەنتتەن كەلگەن العاشقى دەلەگاتسيانىڭ ساپارى اسا ماڭىزدى مانگە يە ەكەنىن اتاپ ءوتتى.

دەلەگاتسيا جەتەكشىسى فرانتسيانىڭ ەۋروپالىق پارلامەنتتەگى مۇشەسى رافاەل گليۋكسمان تساي حانىمعا: «ءبىز مۇندا وتە قاراپايىم جانە وتە ايقىن حابارمەن كەلدىك – سىزدەر جالعىز ەمەسسىزدەر، ەۋروپا سىزدەرمەن بىرگە»، – دەگەن پىكىرىن جەتكىزدى.

بەيجىڭ بيلىگى تايۋاندى «ۇلكەن قىتاي» قۇرامىنا بىرىكتىرەتىن ءبىر پروۆينتسيا رەتىندە قاراستىرادى. وسى نەگىزدە تايبەيدى ديپلوماتيالىق وقشاۋلاۋ ءۇشىن  وزىنىڭ قۋاتتى ەكونوميكالىق، اسكەري جانە ديپلوماتيالىق كۇشىن پايدالانىپ كەلەدى تولاسسىز قىسىم ءتۇسىرىپ كەلەدى. بىراق، تايۋان بار كۇشىن سالىپ ءوزىنىڭ سىرت الەممەن ديپلوماتيالىق بايلانىستارىن ساقتاپ قالۋعا تىرىسۋدا.

تايۋانعا رەسمي دەلەگاتسيا جىبەرۋى ەو مەن قىتاي قاتىناسىنىڭ قازىرگى جاعدايىن ايقىندايتىن كورسەتكىش. وتكەن ايدا ەۋروپارلامەنت العاش رەت «ەو-تايۋان ساياسي قارىم-قاتىناستارى مەن ىنتىماقتاستىعى» بايانداماسىن قابىلداپ، تايۋانمەن قارىم-قاتىناسىن جاقسارتۋدى، سونىڭ ىشىندە تايۋاننىڭ ەۋروپاداعى «ەكونوميكالىق جانە ساۋدا كەڭسەسىن» «ەو-تايۋان كەڭسەسى» دەپ وزگەرتۋدى جانە ەكى جاقتى ىنتىماقتاستىقتى باستاۋدى ۇسىندى. بۇل ينۆەستيتسيالىق كەلىسىمدەرگە دە جول اشاتىن ماڭىزدى قۇجات رەتىندە باعالاندى.

ارينە، ەۋروپالىق پارلامەنتتىك تايۋانعا دەلەگاتسيا جىبەرۋى بەيجىڭنىڭ قيتىعىنا تيەرى ءسوزسسىز. قىتاي ءسىم تارابى بىردەن رەاكتسيا تانىتىپ، «ەۋروپارلامەنتتىڭ ارەكەتى حالىقارالىق قاتىناستاردىڭ نەگىزگى نورمالارىن، «ءبىر قىتاي ءپرينتسيپىن» ورەسكەل بۇزدى جانە ەۋروپالىق وداقتىڭ تايۋان ماسەلەسىنە قاتىستى قوعامدىق مىندەتتەمەلەرىنە قايشىلىق جاسادى. بۇل ارەكەتتىڭ سيپاتى مەن كەلتىرەتىن اسەرى وتە ناشار بولادى»، – دەپ مالىمدەدى.  ارى، قىتاي تارابى ەۋروپارلامەنتىنىڭ بۇل ارەكەتىنە «تۇبەگەيلى قارسى ەكەنىن» ايتتى.

The Qazaq Times