قازاقستاندا كوروناۆيرۋس پەن وعان ۇقساس پنەۆمونياعا شالدىققاندار سانى تاعى 1,2 مىڭعا ارتىپ، جالپى ەسەبى 1 ملن 21 مىڭنان استى. قازان ايىندا 57 مىڭ ناۋقاس انىقتالىپ، مىڭنان اسا ادام كوز جۇمعان. بۇل سالىستىرمالى تۇردە بىلتىرعىدان ايتارلىقتاي جوعارى.
دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە قاراشا ايىنىڭ العاشقى كۇنى كوروناۆيرۋس (كۆي+) جۇققان 1181 ادام، ال قازان ايىنىڭ سوڭعى كۇنى كوروناۆيرۋس پنەۆمونياسىنا (كۆي-) شالدىققان 7 ادام تىركەلدى. سونداي-اق، جەكسەنبىدە 25 قازاقستاندىق اۋرۋدان قايتىس بولدى. بىلتىر ءدال وسى ۋاقىتتا رەسمي ستاتيستيكادا تاۋلىگىنە كوپ دەگەندە 500-گە دەيىن ناۋقاس جانە 5-6 ءولىم جاعدايى تىركەلەتىن، ستاتسيونارلاردا جاتقان سىرقاتتار سانى 4 مىڭ شاماسىندا ەدى. قازىر بۇل كورسەتكىش ەسەلەپ ءوسىپ وتىر، بۇگىندە ەلدە 45 مىڭ ادام (كۆي+ بويىنشا 40 مىڭ، كۆي- بويىنشا 5 مىڭ) اۋىرىپ جاتىر.
#COVID وتكەن كۇنى پتر تەستى ارقىلى كوروناۆيرۋس جۇققانى راستالعان ناۋقاستار سانى 21 ماۋسىمداعى دەڭگەيگە تومەندەدى. ولاردىڭ نەگىزگى بولىگى نەمەسە 12%-ى ادەتتەگىدەي جوعارى ديناميكادا تۇرعان ءبىر عانا الماتى (145) قالاسى مەن استاناعا (145) ، 14%-ى پاۆلودار (168) وبلىسىنا تيەسىلى. سقو (137), قاراعاندى (131), اقمولا (118), قوستاناي (79), الماتى وبلىسى (89), شقو (64), اتىراۋ (19), شىمكەنت (19), تۇركىستان (16), قىزىلوردا (15), جامبىل (13), اقتوبە (10), بقو (9), ماڭعىستاۋ (4) وبلىستارىنىڭ باسىم بولىگىندە اۋرۋشاڭدىق باسەڭدەگەنى بايقالادى. دۇيسەنبىدە اۋرۋدان ايىققان 1853 ادام ۇيىنە شىعارىلعان. 31 قازاندا جيىنى 19 ادام قايتىس بولعان.
#COVID_پنەۆمونياسى مەحانيكالىق ادىسپەن ەسەپكە الىناتىندىقتان، دەمالىس كۇندەرى مەدستاتيستيكا جۇيەسى تولىق قامتىلمايدى. سالدارىنان كەيستەر قاتارى سەنبى جانە جەكسەنبى، مەرەكە كۇندەرى ادەتتەگىدەن ايتارلىقتاي از تىركەلەدى. قازاننىڭ 31-ءى اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 7 ناۋقاس ەسەپكە الىندى. ۆەدومستۆو دەرەگىنشە, بۇل كۇنى استانا (2), شىمكەنت (1), اتىراۋ (1), شقو (1), جامبىل (1), قوستانايدا (1) انىقتالعان. سونىمەن قوسا، 25 ادام ايىعىپ شىققان، تاعى 6 ادام كوز جۇمعان.
#جالپى دەنمين دەرەگىنە قاراعاندا، ەمدەلىپ جاتقان 45 مىڭ ناۋقاستىڭ 8 مىڭى اۋرۋحانادا، 37,5 مىڭى امبۋلاتورلىق باقىلاۋدا. 540 ناۋقاستىڭ جاعدايى ناشار، ونداعى 171 ادامنىڭ ءحالى وتە اۋىر. بۇدان وزگە 110 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
ەپيدكارتادا «جاسىل ايماقتاعى» شىمكەنت، اتىراۋ، تۇركىستان، ماڭعىستاۋ، بقو، الماتى، جامبىل، اقتوبە وبلىستارىنان باسقا استانا، قاراعاندى، شقو، قىزىلوردا وبلىستارى، الماتى قالاسى «سارى ايماققا» وتكەن. باسقا 4 ايماق (قوستاناي، پاۆلودار، اقمولا، سقو) تۇتاستاي «قىزىل ايماقتا» تۇر.
دەنميننىڭ QT رەداكتسياسىنا بەرگەن مالىمەتىنشە، ىندەت تاراعان 2020-2021 جىلدارى پتر تەستى وڭ كورسەتكەن 1407 سىناما سەكۆەنيرلەنگەن (شتامم ءتۇرىن انىقتايتىن تالداۋ). سايكەسىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق، ۇندىستاندىق جانە نيگەريالىق شتامدارى انىقتالعان.
بيىلعى جاز مەزگىلى قازاقستاندىقتار ءۇشىن قارالى حابارعا تولى بولدى. پاندەميا باستالعالى 1,5 جىلدىڭ ىشىندە انىقتالعان بارلىق اۋرۋشاڭدىق پەن ءولىم جاعدايىنىڭ جارتىسى تەك وتكەن جازدا، ءتورتىنشى تولقىندا تىركەلدى. جازعى ءۇش ايدا باس-اياعى 420 مىڭ ادام اۋىرسا، 6,6 مىڭنان اسا ادام كوز جۇمدى. قىركۇيەك ايىنىڭ وزىندە 99 مىڭداي ناۋقاس ەسەپكە الىنعان جانە 2117 ادام قايتىس بولعان. ال قازان ايىندا 57 مىڭ اۋرۋ جانە 1078 ءولىم جاعدايى تىركەلگەن.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 941 مىڭنان، 1 تامىزدان بەرگى كوروناۆيرۋس پنەۆمونياسى 79 مىڭنان اسقان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 1 ملن 21 مىڭعا جەتتى. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميانىڭ باس-اياعى 20 ايىندا جالپى ۆيرۋس جۇققانداردان 20,5 مىڭ ادام (كۆي+ / U07.1 – 12 133, كۆي- / U07.2 – 5042, ىلەسپە اۋرۋلاردان – 3415) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 37-ورىنعا ورنىقتى.
ۇكىمەتتىڭ سوڭعى دەرەگىنە قاراعاندا، قازاقستاندا 7,5 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 8,3 ملن-نان اسادى. دەنساۋلىق ساقتاۋ ءمينيسترى الەكسەي تسوي قاراشا ايىنىڭ ءۇشىنشى ونكۇندىگىنەن باستاپ ۆاكتسينا العانىنا جارتى جىل وتكەندەر ءۇشىن رەۆاكتسياناتسيا ناۋقانى جۇرگىزىلەتىنىن مالىمدەگەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى