باعداتتاعى اقش ەلشىلىشى. فوتو: The Times of Israel

اقش يراك جەرىندەگى اسكەري كۇشتەرىن شىعارىپ كەتۋ بويىنشا كەلىسسوزدەر جۇرگىزىپ جاتقان تۇستا، سول ەلدەگى قارۋلى كۇشتەرى مەن اسكەري بازالارىنا، ءتىپتى ەلشىلىكتەرىنە باعىتتالعان شابۋىل قاۋپى ارتا ءتۇستى. ءبىر كۇن بۇرىن يراك اقپارات قۇرالدارى اقش ەلشىلىگىنە ەكى رەت زىمىران شابۋىلى جاسالعانىن حابارلادى.

باعداتتاعى قورعاۋعا الىنعان «جاسىل ايماقتا» ورنالاسقانىنا قاراماستان اقش ەلشىلىگى ەكى رەتكى زىمىران شابۋىلىنا تاپ بولعان. بۇل تۋرالى اقپاراتتاردا اقش تارابىنان شىعىندار مەن ادام ءولىمى تۋرالى انىق مالىمەت جوق. دەگەنمەن، ەلشىلىك ماڭىنداعى كولىكتەرگە زاقىم كەلگەنى تۋرالى ايتىلادى.

شابۋىلعا بايلانىستى اقش پەن يراك ۇكىمەتى ەشقانداي رەسمي مالىمدەمە تاراتقان جوق.

اقش اسكەري كۇشتەرى يراك جەرىندە يراننىڭ جوعارى دارەجەلى اسكەري جەتەكشىسى، گەنەرال قاسىم سۇلەيمەنيدى (كاسيم سۋلايماني) جانە يراكتاعى ءشيىت توپتارىنىڭ ماڭىزدى جەتەكشىسىن ولتىرگەننەن كەيىن اقش يەلىگىندەگى نىساندار شابۋىل نىساناسىنا اينالدى. كەزەكتى شابۋىلدى ەشبىر قارۋلى توپ ءوز موينىنا الماعانىمەن، يران قولداۋىنداعى ءشيىت قارۋلى توپتارى جاساعان بولۋى مۇمكىن دەگەن بولجامدار ايتىلادى.

“The Qazaq Times”