21-26 قىركۇيەك ارالىعىندا سولتۇستىك قازاقستان وبلىسى ماعجان جۇماباەۆ اۋدانى لەبياجە اۋىلىنداعى جەتى قوجالىقتا بارلىعى مىڭنان اسا قۇس تۇماۋدان قىرىلعان. بۇل تۋرالى ازاتتىق راديوسى حابارلادى.
باسىلىمنىڭ جازۋىنشا، قىرىلعان قۇستىڭ 130-ى تاۋىق، 290-عا جۋىعى قاز، 582-ءسى ۇيرەك بولعان. وسىدان كەيىن لەبياجە اۋىلىندا كارانتين شارالارى قابىلدانعان. ەندى اۋىل تۇرعىندار كارانتين اياقتالعانشا، قۇستارىن ساتا المايدى، ەتكە وتكىزە المايدى.
"استاناداعى ۆەتەريناريا بويىنشا ۇلتتىق رەفەرەنتتىك ورتالىقتان كەلگەن سىناق حاتتاماسىنا سايكەس، قۇس تۇماۋىنىڭ دياگنوزى راستالدى. زەرتتەۋ جۇرگىزىلدى. ءۇي قۇستارىنىڭ تۇماۋدى سۋدا جۇزەتىن جابايى قۇستاردان جۇقتىرىپ العانى انىقتالدى" دەدى وبلىستىق ۆەتەريناريا باسقارماسىنىڭ باس مامانى ناريمان تاسبولاتوۆ ازاتتىق تىلشىسىنە.
تاسبولاتوۆتىڭ سوزىنشە، كورشى اۋىلداردا دا زەرتتەۋ جۇمىستارى ءجۇرىپ جاتىر، ازىرگە ول جاقتا قۇستار اراسىندا تۇماۋ تىركەلمەگەن.
بيىل قۇس تۇماۋىمەن كۇرەس اياسىندا وبلىسقا رەسپۋبليكالىق قوردان 1 ميلليون 242 مىڭ 200 دوزا ۆاكتسينا بولىنگەن. تۇماۋ انىقتالعان اۋىلدا 1584 قۇسقا ۆاكتسينا سالىنعان. قۇس تۇماۋى سولتۇستىك قازاقستان وبلىسىنان بىلتىر دا انىقتالعان. ول كەزدە اۋرۋدان 1,5 ميلليون قۇس قىرىلىپ قالعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟