بۇگىن، 6 قىركۇيەكتە ماڭعىستاۋ وبلىسى بورانكول كەنىشىندەگى جاتاقحانادان ءورت شىعىپ، كەمىندە ەكى ادام قازا بولدى، ءۇش ادام جاراقات الدى. بۇل اقپاراتتى "قازمۇنايگاز" كومپانياسىنىڭ ءباسپاسوز قىزمەتى حابارلادى.
"ماڭعىستاۋ وبلىسى بورانكول كەنىشىندە "قازمۇنايتەڭىز" تەڭىز مۇناي كومپانياسى جشس-ءىنىڭ ەكىقاباتتى جاتاقحاناسىنان ءورت شىقتى. ازىرگە تولىق ەمەس اقپارات بويىنشا، ءورتتىڭ سالدارىنان ەكى ادام قازا بولدى، ءۇش ادام زارداپ شەكتى" دەلىنگەن كومپانيا حابارلاماسىندا.
اقپاراتقا قاراعاندا، ءورت سوندىرىلگەن. ءورتتى سوندىرۋگە "قازمۇنايتەڭىزدىڭ" ورتپەن كۇرەس قىزمەتىنىڭ وكىلدەرى قاتىسقان.
ءورتتىڭ نەدەن شىققانى ءالى بەلگىسىز.
ء"ورتتىڭ شىعۋ سەبەپتەرى انىقتالىپ جاتىر. وقيعا ورنىنا "قازمۇنايتەڭىز" بولىمشەسىنىڭ باسشىلىعى جەتتى" دەلىنگەن كومپانيا حابارلاماسىندا.
مۇناي-گاز جانە گاز كوندەنساتى وندىرىلەتىن بورانكول كەنىشى ماڭعىستاۋ وبلىسى بەينەۋ اۋدانىندا، قۇلسارى تەمىر جولى ستانتسياسىنىڭ وڭتۇستىگىنە قاراي 90 شاقىرىم جەردە ورنالاسقان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى