قازاقستاندا كوروناۆيرۋس پەن وعان ۇقساس پنەۆمونياعا شالدىققاندار سانى شامامەن 8,2 مىڭعا ارتىپ، جالپى ەسەبى 720 مىڭنان استى. تەك شىلدە ايىندا 154 مىڭ ادام سىرقاتتانىپ، 1932 ادام (كۆي+ 1644, كۆي- 288) قايتىس بولعان. شىلدە ايىنىڭ ورتاسىنا قاراي تاۋلىكتىك كورسەتكىشى 5 مىڭنىڭ ۇستىنە شىققان ىندەتتىڭ ءتورتىنشى تولقىنىندا قازىر كەمىندە 7 مىڭ جاعداي تىركەلىپ جاتىر. تامىز ايىنىڭ العاشقى دەكاداسىندا 79 مىڭنان اسا سىرقات تىركەلىپ، 1269 ادام كوز جۇمدى.
دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە 10 تامىزدا كوروناۆيرۋس (كۆي+) جۇققان 7657 ادام، ال 9-ى كۇنى كوروناۆيرۋس پنەۆمونياسىنا (كۆي-) شالدىققان 588 ادام تىركەلدى جانە اپتا باسىندا 154 قازاقستاندىق اۋرۋدان قايتىس بولدى. قازىر ەلدە 112 مىڭنان اسا ادام (كۆي+ بويىنشا 108 مىڭ، كۆي- بويىنشا 4 مىڭ) اۋىرىپ جاتىر.
#COVID وتكەن كۇنى پتر تەستى ارقىلى كوروناۆيرۋس جۇققانى راستالعان ناۋقاستار قاتارى تاعى ارتتى. ولاردىڭ باسىم بولىگى ادەتتەگىدەي مىڭنان جوعارى ديناميكادا تۇرعان الماتى (1493) جانە استانا (1153) قالالارىنان. بۇدان وزگە قاراعاندى (1125), اتىراۋ (618), شىمكەنت (574) ەپيداحۋال ءتىپتى ناشارلاي تۇسكەن. الماتى (350), اقتوبە (304), پاۆلودار (291), اقمولا (265), قوستاناي (257), شقو (228), ماڭعىستاۋ (212), قىزىلوردا (218), جامبىل (140), سقو (157), بقو (156), تۇركىستان (116) وبلىستارىندا دەرت ۇدەپ تۇر. وسى سەيسەنبىدە اۋرۋدان ايىققان 7521 ادام ۇيىنە شىعارىلعان. دۇيسەنبىدە جيىنى 130 ادام قايتىس بولعان.
#COVID_پنەۆمونياسى تامىزدىڭ 9-ى، دۇيسەنبىدە اقپاراتى ءبىر تاۋلىككە كەشىگىپ بەرىلەتىن كوروناۆيرۋس پنەۆمونياسىنا شالدىققان 588 ناۋقاس ەسەپكە الىندى. ۆەدومستۆو دەرەگىنشە، سەيسەنبى كۇنى سىرقاتتار شىمكەنت (139) قالاسى جانە جامبىل (72), ماڭعىستاۋ (65), تۇركىستان (55), اتىراۋ (48), الماتى (37), قوستاناي (31) وبلىستارىندا كوپتەپ انىقتالعان. سونىمەن قوسا، 201 ادام ايىعىپ شىققان، تاعى 24 ادام كوز جۇمعان.
#جالپى دەنمين دەرەگىنە قاراعاندا، ەمدەلىپ جاتقان 112,8 مىڭ ناۋقاستىڭ 30 مىڭى اۋرۋحانادا، 82,5 مىڭى امبۋلاتورلىق باقىلاۋدا. 1808 ناۋقاستىڭ جاعدايى ناشار، ونداعى 451 ادامنىڭ ءحالى وتە اۋىر. بۇدان وزگە 215 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
ەپيدكارتادا قازاقستاننىڭ بارلىق ءوڭىرى تۇتاستاي «قىزىل ايماقتا» تۇر.
دەنمين حابارىنشا, 11 ناۋرىز بەن 12 شىلدە ارالىعىندا پتر تەستى وڭ كورسەتكەن 1311 سىناما سەكۆەنيرلەنگەن (شتامم ءتۇرىن انىقتايتىن تالداۋ). سايكەسىنشە، بيىل كوكتەم-جازدا گەنومدىق زەرتتەۋ ناتيجەسىندە ەلدىڭ باسىم بولىگىنەن ۆيرۋستىڭ برازيليالىق، بريتاندىق، وڭتۇستىكافريكالىق جانە ۇندىستاندىق شتامدارى انىقتالعان.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 656 مىڭنان، 1 تامىزدان بىلايعى كوروناۆيرۋس پنەۆمونياسى 64 مىڭنان اسقان. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 720 مىڭعا جەتتى. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميا باستالعالى جالپى ۆيرۋس جۇققانداردان 13,6 مىڭ ادام (كۆي+ / U07.1 – 7103, كۆي- / U07.2 – 3949, ىلەسپە اۋرۋلاردان – 2633) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 41-ورىنعا ورنىقتى.
ۇكىمەتتىڭ سوڭعى دەرەگىنە قاراعاندا، قازاقستاندا 4,5 ملن ادام كوروناۆيرۋسقا قارسى ۆاكتسينانى تولىق العان، ال كەمىندە ءبىرىنشى دوزاسى ەگىلگەن جۇرتتىڭ سانى 5,8 ملن شاماسىندا.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟