قازاقستان ۇكىمەتى توكيودا وتەتىن حححII جازعى وليمپيادا ويىندارىندا التىن مەدال جەڭىپ العان سپورتشىعا 250 مىڭ دوللار سىياقى بەرەدى. بۇل تۋرالى بۇگىن، 2 شىلدەدە ورتالىق كوممۋنيكاتسيالار قىزمەتىندە وتكەن بريفينگ كەزىندە مادەنيەت جانە سپورت ءمينيسترى اقتوتى رايىمقۇلوۆا ايتتى.
ءمينيستردىڭ ايتۋىنا قاراعاندا، جەڭىمپاز اتانعان نەمەسە جۇلدەگە ىلىنگەن سپورتشى جەتىستىگى دالەلدەنگەن سوڭ عانا بەلگىلەنگەن سىياقىنى الا الادى.
«بۇل جولعى وليمپيادا جەڭىسكە جەتكەن سپورتشىلارعا، ولاردىڭ ۇستازدارىنا، باپكەرلەرىنە ارنالعان ءاربىر سپورت ءتۇرى بويىنشا سىياقى بەرۋ تۋرالى ەرەجەلەر قابىلدانعان بولاتىن. وزدەرىڭىز بىلەسىزدەر، وسى قۇجات بويىنشا ءبىرىنشى ورىن العان سپورتشىعا 250 مىڭ دوللاردان بەرىلەدى. ەكىنشى ورىنعا 150 مىڭ دوللار، ءۇشىنشى ورىن 75 مىڭ دوللار بولىپ ازايا بەرەدى. ارينە، ەڭ الدىمەن سپورت جەتىستىگىنىڭ ناقتى ەكەنى دالەلدەنگەن كەزدە بۇل سىياقى تەلەنەدى. زاڭدى تۇردە وسىلاي نەگىزدەلگەن» دەدى جۋرناليست سۇراعىنا جاۋاپ بەرگەن مينيستر.
توكيو وليمپيداسى 23 شىلدەدە باستالادى. قازاقستان قۇراماسىنىڭ ەنشىسىندە سپورتتىڭ 27 تۇرىنەن 96 جولداما بار.
قازاقستان جازعى وليمپيادا ويىندارىنا تاۋەلسىز ەل رەتىندە سەگىزىنشى رەت قاتىسقالى جاتىر.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى