ورال سوتى بەلسەندى ورىنباي وقاسوۆتى ء"بىر جىل ىشىندە ءتارتىپتى بۇزىپ، زاڭسىز ميتينگكە قاتىسقانى ءۇشىن" 20 تاۋلىككە قاماۋ تۋرالى شەشىم شىعاردى، دەپ حابارلادى ورتالىق ازيا جاڭالىقتار قىزمەتى

ول اباقتىدان شىقپاي جاتىپ، وسىمەن ءۇشىنشى رەت قامالىپ جاتىر.

جاڭا جازا وعان تۇرمەدەن شىعۋىنا ءبىر كۇن قالعاندا شىعارىلعان. بۇل جولى ونى 30 مامىردا ورالدىڭ ورتالىق ساياباعىندا ميتينگكە قاتىسقانى ءۇشىن سوتتاعان.

- سوت وقاسوۆ ءوزىنىڭ ءىس-ارەكەتىن مويىنداۋى كەرەك دەيدى. بوساپ شىعۋعا مۇمكىندىك بەرمەي وتىر، - دەيدى بەلسەندىنىڭ ادۆوكاتى ايسۇلۋ بياليەۆا.

ورىنباي وقاسوۆ — كوپتەگەن نارازىلىق اكتسيالارعا قاتىسۋشى، ورالدىق بەلسەندى. ول "قازاقستاننىڭ دەموكراتيالىق تاڭداۋى" مەن "كوشە پارتياسى" قوزعالىستارىن "ەكسترەميستىك ۇيىم" دەپ تانۋ تۋرالى سوت شەشىمىنە قارسى شىعىپ، بيلىكتەن ەۋروپارلامەنت قارارىن ورىنداۋدى تالاپ ەتكەن بەلسەندىلەردىڭ ءبىرى.

“The Qazaq Times”