Фото: azattyq.org

Орал соты белсенді Орынбай Оқасовты "бір жыл ішінде тәртіпті бұзып, заңсыз митингке қатысқаны үшін" 20 тәулікке қамау туралы шешім шығарды, деп хабарлады Орталық Азия жаңалықтар қызметі

Ол абақтыдан шықпай жатып, осымен үшінші рет қамалып жатыр.

Жаңа жаза оған түрмеден шығуына бір күн қалғанда шығарылған. Бұл жолы оны 30 мамырда Оралдың орталық саябағында митингке қатысқаны үшін соттаған.

- Сот Оқасов өзінің іс-әрекетін мойындауы керек дейді. Босап шығуға мүмкіндік бермей отыр, - дейді белсендінің адвокаты Айсұлу Биялиева.

Орынбай Оқасов — көптеген наразылық акцияларға қатысушы, оралдық белсенді. Ол "Қазақстанның демократиялық таңдауы" мен "Көше партиясы" қозғалыстарын "экстремистік ұйым" деп тану туралы сот шешіміне қарсы шығып, биліктен Еуропарламент қарарын орындауды талап еткен белсенділердің бірі.

“The Qazaq Times”