باتىس قازاقستان وبلىسىنىڭ پوليتسيا دەپارتامەنتى ورالدا كءاسىپكەردى ءولتىرگەن ەكى كءۇدىكتىنىڭ 8 تامىز تاڭەرتەڭ ۇستالعانىن حابارلادى. دەپارتامەنتتىڭ مءالىمەتىنشە، 21 جءانە 31 جاستاعى ەكى ەر ادام ورال ماڭىنداعى "كءوكتەم" ساياجاي ماسسيۆىندە ۇستالعان. بۇل تۋرالى ورتالىق ازيا جاڭالىقتار قىزىمەتى جازدى.

پوليتسيانىڭ سوزىنشە، كۇدىكتىلەردىڭ ساياجايدا تىعىلعانىن تۇرعىندار كورىپ، حابارلاعان.

— ەكەۋى دە سول جەردە بولدى. بىراق ىزدەۋ شاراسى ءجۇرىپ جاتقانىن تۇسىنگەن سوڭ ولار قاشىپ كەتكىسى كەلدى. تۇرعىندار ولاردىڭ قايدا قاشىپ كەتكەنىن ايتتى، - دەدى بقو پوليتسيا دەپارتامەنتى باسشىسىنىڭ ورىنباسارى جانبولات جانشين بريفينگتە.

ساياجاي تۇرعىندارىنىڭ سوزىنشە، كۇدىكتىلەر يەسىز قالعان ساياجايدىڭ ءبىرىنىڭ اۋلاسىنا كەلىپ تىعىلعان، بىراق ءۇي جابىق بولعاندىقتان كىرە الماعان. تۇرعىندار "كۇدىكتىلەر كورشى ساياجايدان قىزاناق ۇرلاماق بولعاندا كوزگە ءتۇسىپ قالعانىن" دا ايتادى.

ورالداعى كافە مەن مەيرامحانا يەسى، كاسىپكەر ەركىن مۇحانعاليەۆتى ءولتىرىپ كەتكەن كادرلار 6 تامىزدا جەلىدە تاراپ كەتكەن ەدى. ۆيدەودا ءۇش ەر ادام كافەدەگى ۇستەلدە اڭگىمەلەسىپ وتىرادى. كەيىن كۇدىكتىلەردىڭ ءبىرى جانىنداعى ادامدى پىشاقتايدى. مۇحانعاليەۆ قاشىپ كەتپەك بولادى، بىراق ونىڭ ءمايىتى اتويان اتىنداعى ستاديوننىڭ جانىنداعى اۆتوتۇراقتان تابىلعان. پوليتسيانىڭ سوزىنشە، مۇحانعاليەۆ جەدەل جاردەم كەلگەنشە جان تاپسىرعان.

پوليتسيا بۇل وقيعادان سوڭ "توپ بولىپ الدىن الا ءسوز بايلاسىپ ادام ءولتىرۋ" ايىبى بويىنشا (قىلمىستىق كودەكستىڭ 99-بابى، 2-بولىگى، 7-تارماعى) قىلمىستىق ءىس قوزعاعان. دەپارتامەنت ادام ولتىرۋگە "جالاقى تولەمەگەندىك سەبەپ بولعان" دەگەن ەدى. بىراق 8 تامىزداعى بريفينگتە بقو پوليتسيا دەپارتامەنتى باسشىسىنىڭ ورىنباسارى جانبولات جانشين "ادام ولتىرۋگە نە سەبەپ بولعانى بەلگىسىز، قازىر بارلىق نۇسقانى تەكسەرىپ جاتىرمىز" دەدى.

ال كافەنىڭ اتى-ءجونىن اتاعىسى كەلمەگەن قىزمەتكەرى "جالاقى تولەنبەدى" دەگەن ءسوزدى جوققا شىعاردى. ول كۇدىكتىنىڭ ءبىرى "كافەدە بەس جىل بۇرىن جۇمىس ىستەگەنىن", "جالاقى كەشىكتىرۋ مۇلدە بولماعانىن" ايتتى.

كافە قىزمەتكەرىنىڭ كۇدىكتىلەر كافەنىڭ "كرىشاسى" بولۋ ءۇشىن اقشا تالاپ ەتتى دەپ وتىر.

"بارلىعى باستالىپ كەتكەن سوڭ كەلدىم، ماعان ەكىنشىسى (21 جاستاعى كۇدىكتى) پىشاق الا جۇگىردى. مەن ەدەن جۋاتىن تاياقتى اكەلۋگە جۇگىرىپ كەتتىم، كەلسەم ەكەۋى قاشىپ كەتىپتى" دەيدى كافە قىزمەتكەرى.