تۇركيادا جالعان اقپارات تاراتقانداردى ءبىر جىلدان بەس جىلعا دەيىن باس بوستاندىعىنان ايىرۋ ۇسىنىلدى. اتالعان زاڭ قازاندا ەل پارلامەنتىندە قاراستىرىلادى.
بۇل جونىندە تۇركيا كونستيتۋتسيا كوميتەتىنىڭ وكىلى الي وزكايا: «گەرمانيادا قۇقىققا قايشى مازمۇنى بار جازبا انىقتالعان جاعدايدا الەۋمەتتىك جەلى قولدانۋشىسىنا كونتەنت الىپ تاستاۋى ءۇشىن 24 ساعات ۋاقىت بەرىلەدى. ايتپەسە 50 ميلليون ەۋروعا دەيىن ايىپپۇل سالىنادى. گەرمانيادا ازاماتتار زاڭسىز جازبا جاريالاعان جاعدايدا قىلمىستىق ءىس قوزعاۋعا قۇقىلى. سونداي-اق «ەسكەرتۋ – الىپ تاستاۋ» شاعىم جۇيەسى ەنگىزىلگەن. ءبىزدىڭ ەرەجەلەردە دە بۇل تارماقتار بولۋى ءتيىس»، – دەيدى.
الي وزكايانىڭ ايتۋىنشا، قالىپتى ومىردەگى قىلمىس سانالاتىن ارەكەتتەر الەۋمەتتىك مەديادا دا قىلمىس بولىپ ەسەپتەلەدى. دەگەنمەن، جالعان اككاۋنتتاردىڭ كەسىرىنەن وعان قارسى ءتيىمدى كۇرەس جوق. سوندىقتان بۇل ماسەلە جاقىن ارادا شەشىمىن تابۋى ءتيىس.
رەسمي مالىمەتتەرگە سۇيەنسەك، تۇركيادا الەۋمەتتىك مەديا قولدانۋشىلارىنىڭ سانى – 60 ميلليون. ەلدە ورتاشا ەسەپپەن ءاربىر قولدانۋشى 3 ساعات ۋاقىتىن عالامتور پاراقشالارىندا وتكىزەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟