رەسەي پرەزيدەنتى ۆلاديمير پۋتين ارمەنيا پرەمەر-ءمينيسترى نيكول پاشينيانمەن ەكى مارتە تەلەفون ارقىلى سويلەسكەن. ديالوگ بارىسىندا قاراباق ماسەلەسى تالقىلانىپ، ارمەنيا باسشىسىنان شەكارالىق كەلىسىمدى ساقتاۋدى سۇرعان.
قايتادان قارۋلى قاقتىعىسقا ۇلاسا جازداعان قاراباقتاعى جاعداي رەسەيدىڭ ارالاسۋىمەن اتىستى توقتاتۋ كەلىسىمىنە جەتتى. الايدا، قاراباقتاعى بىتىمگە قاتىستى ارمەنيا تارابىندا كەلىسپەۋشىلىكتىڭ ساقتالىپ قالعانىن كەيىنگى جاعدايلار كورسەتتى. تۇرىك باسىلىمدارى بولسا، ەرەۆان بيلىگى تۇركيا مەن ءازىربايجان اراسىندا زەنگەزۋر ءدالىزىنىڭ اشىلۋىنا قارسى دەپ جازۋدا.
بىلتىرعى قاراباق سوعىسىندا ارا اعايىندىق جاساعان رەسەيدىڭ جانجالدى ۋشىقتىرماۋ بويىنشا مىندەتتەمەلەرى بار. قاراباقتاعى ارمەنيان اسكەري كۇشتەرىنىڭ ارانداتۋ ارەكەتتەرىنە الاڭداۋشىلىق بىلدىرگەن باكۋ ماسكەۋگە قايىرىلعان. پۋتين ءبىر اپتا ىشىندە پاشينيانمەن ەكىنشى مارتە تەلەفون ارقىلى سويلەسىپ، كەلىسىمدى ساقتاۋدى وتىنگەن.
كرەملدىڭ ءباسپاسوز قىزمەتى حابارلاعانداي قاراباق ماسەلەسىن تالقىلاۋ ماقساتىندا تاياۋ ارادا ءازىربايجان، رەسەي جانە ارمەنيا باسشىلارى باس قوسپاق. ال، جەلتوقسان ايىندا يلحام اليەۆ پەن نيكول پاشينياندى ەو تارابى بيۋسسەلدە كەزدەستىرەدى. بۇل قاراباق ماسەلەسىنە ەۋروپانىڭ دا باسا نازار اۋدارىپ وتىرعانىن كورسەتەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى