بۇگىن، 19 شىلدە كۇنى كەشكە تىركەلمەگەن قازاقستان دەموكراتيالىق پارتياسىنىڭ جەتەكشىسى جانبولات ماماي مەن ونىڭ جاقتاستارى الماتى قالالىق پوليتسيا دەپارتامەنتىنىڭ الدىندا اشتىق جاريالادى. ولار ءوز پارتيالاسى، ازاماتتىق بەلسەندى ابزال دوستياروۆتىڭ قاماۋ مەرزىمىنىڭ ۇزارتىلعانىنا نارازى.
جانبول مامايدىڭ ايتۋىنا قاراعاندا، 14 شىلدەدە "ۇساق بۇزاقىلىق" بابى بويىنشا التى تاۋلىككە قامالعان بەلسەندى ابازال دوستياروۆتىڭ قاماۋ مەرزىمى بۇگىن سوت شەشىمىمەن ءبىر كۇنگە قىسقارتىلىپ، بوساپ شىعۋعا ءتيىس بولعان. الايدا بۇگىن كەشكە تاعى ءبىر سوت ءوتىپ، دوستياروۆ تاعى 15 كۇنگە قامالعان.
"بۇل – بيلىكتىڭ ادەيى جاساپ وتىرعان پسيحولوگيالىق قىسىمى. ادامدى التى تاۋلىككە قامايدى، ەندى شىعاتىن كەزدە تاعى 15 تاۋلىك بەرەدى. ونىڭ ارتىنان تاعى 15 تاۋلىك بەرۋى مۇمكىن. سوندا ول قاشان شىعادى دەگەن سۇراق تۋىندايدى. نە ىستەيمىز؟ بىزدە سوڭعى قادام قالىپ وتىر. ەرتەڭ – قاسيەتتى قۇربان ايت مەرەكەسى. بىراق سوعان قاراماستان ءبىزدىڭ باسقا امالىمىز قالعان جوق. ءبىز قازىردەن باستاپ پوليتسيا دەپارتامەنتىنىڭ الدىندا اشتىق جاريالايىن دەپ وتىرمىز. قازىر ءبىز اشتىققا جاتامىز. ابزال قانشا تاۋلىك وتىرسا، ءبىز دە سونشا تاۋلىك اشتىققا جاتۋدى ماقسات تۇتىپ وتىرمىز" دەدى تىكەلەي ەفير ارقىلى ۇندەۋ جولداعان جانبولات ماماي.
14 شىلدەدە ابزال دوستياروۆ پەن تاعى ءبىر بەلسەندى ءالىمجان ءىزباساروۆ "قوعامدىق ورىنداردا بىلاپىت سويلەپ، جەكە تۇلعانى قورلادى" دەگەن ايىپپەن ارقايسىسى 6 كۇنگە قامالعان ەدى. ولارعا تاعىلعان ايىپ 6 شىلدە كۇنگى "دەمپارتيانىڭ" قارسىلىق اكتسياسىمەن بايلانىستى.
ادۆوكاتتارى ۋاقىتشا قاماۋ يزولياتورىندا دوستياروۆقا "قىسىم جاسالعانىن" حابارلاعان. ولاردىڭ ايتۋىنشا، 14 شىلدە كۇنگى ۇستاۋ كەزىندە پوليتسەيلەر بەلسەندىنى قىلقىندىرىپ، كۇش كورسەتكەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى