1 شىلدەدە تاڭەرتەڭ الماتى پوليتسياسى قىتاي كونسۋلدىعى الدىنداعى پيكەتتى ءتۇسىرىپ جۇرگەن بەلسەندى بايبولات كۇنبولاتۇلىن ۇيىنەن ۇستاپ اكەتتى. بۇل تۋرالى بەلسەندىنىڭ ايەلى باقىت سەمبايقىزىنىڭ اقپاراتىنا سۇيەنگەن ازاتتىق راديوسى حابارلادى.
ازاتتىقتىڭ جازۋىنشا، كۇنبولاتۇلىنىڭ اناسى زاۋاتحان تۇرسىن، "ناعىز اتاجۇرت ەرىكتىلەرى" ۇيىمىنىڭ جەتەكشىسى بەكزات ماقسۇتحان دا ۇستالعان.
بەلسەندى كۇنبولاتۇلىنىڭ ايەلى باقىت سەمبايقىزىنىڭ ازاتتىققا ايتۋىنا قاراعاندا، پوليتسيا قىزمەتكەرلەرى ۇستاۋ كەزىندە ء"وزى مەن كۇيەۋىنە كۇش قولدانعان". قىتايدا قامالعان ىنىسىنە اراشا سۇراعان بەلسەندى بايبولات كۇنبولاتۇلى 29 ماۋسىمدا 8 كۇندىك اكىمشىلىك قاماۋدان بوساپ شىققان بولاتىن.
اقپاراتقا قاراعاندا، بايبولات كۇنبولاتۇلى مەن اناسىن ناۋرىزباي اۋدانىنىڭ پوليتسيا بولىمشەسىنە الىپ كەتۋى مۇمكىن. ساعات 10 جارىم شاماسىندا ول جاققا بايبولات كۇنبولاتۇلىنىڭ ايەلى ەكى بالاسىمەن باردى. ونى پوليتسياداعىلار ىشكە كىرگىزدى. ال جۋرناليستەردى كىرگىزبەدى. پوليتسيا وقيعاعا ازىرگە تۇسىنىكتەمە بەرگەن جوق.
قىتايدىڭ الماتىداعى كونسۋلدىعى الدىندا پيكەتتەردىڭ ءوتىپ جۇرگەنىنە 140 كۇننەن استى. نارازىلار قىتاي بيلىگىنەن شىڭجاڭدا "جازىقتان-جازىقسىز" قامالعان جاقىندارىن بوساتۋدى تالاپ ەتەدى. ءالى كۇنگە دەيىن كونسۋلدىقتان نارازىلاردىڭ الدىنا ەشكىم شىققان جوق.
ءساۋىر ايىندا قىتايدىڭ قازاقستانداعى ەلشىسى شىڭجاڭدا قامالعانداردىڭ "قىتاي ازاماتى" ەكەنىن جانە ولاردىڭ "قىتاي زاڭىن بۇزعانىن" ايتقان. قازاقستان سىرتقى ىستەر مينيسترلىگى "وزگە ەلدىڭ ىشكى ىسىنە ارالاسا المايتىنىن" ايتىپ كەلەدى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى