تۇركىستان وبلىسىندا "سايرام-وگەم" شاتقالىندا تاعى ءبىر ادامنىڭ دەنەسى تابىلدى. بۇل مامىر ايىنىڭ سوڭىندا شاتقالعا شىعىپ، جوعالىپ كەتكەن جەتى ادامنىڭ سوڭعىسى بولۋى مۇمكىن. بۇل تۋرالى توتەنشە جاعداي مينيسترلىگىنىڭ ءباسپاسوز قىزمەتى حابارلادى.
ۆەدومستۆو مالىمەتىنشە، قۇتقارۋشىلار ءمايىتتى بۇگىن، 22 ماۋسىم كۇندىزگى ساعات 12 شاماسىندا ايعىرجىققان جانە وگەم وزەندەرىنىڭ توعىسقان جەرىنەن ەكى شاقىرىم جوعارىدا سۋ تۇبىنەن تاپقان.
"مۇردەنى تاسىمالداۋ ءۇشىن "قازاۆياقۇتقارۋ" اق تىكۇشاعى وقيعا ورنىنا بارا جاتىر. تابىلعان ءمايىت ساراپتاما جاسالۋ ءۇشىن پوليتسيا قىزمەتكەرلەرىنە تابىستالادى" دەلىنگەن مينيسترلىك حابارلاماسىندا.
جەتى ستۋدەنت 21 مامىر كۇنى تۇلكىباس اۋدانىنداعى "سايرام وگەم" شاتقالىنا جاياۋ تابيعاتقا شىعىپ، جوعالىپ كەتكەن. كەيىن ولاردى قۇتقارۋشىلارمەن بىرگە پوليتسيا، شەكارا قىزمەتى، ۇلتتىق پاركتىڭ قىزمەتكەرلەرى مەن تۋىستارى ىزدەي باستاعان. جەتى ستۋدەنتتىڭ اراسىندا اقتوبە، اتىراۋ، ورال جانە جەزقازعاننان كەلگەندەر بولعان.
28 مامىر كۇنى جوعالعانداردىڭ ۇشەۋى ءتىرى تابىلدى. ولاردى "قازاۆياقۇتقارۋ" تىكۇشاعىنىڭ ماماندارى بايقاعان.
كەيىن قۇتقارۋشىلار شاتقال اۋماعىنان ءۇش ستۋدەنتتىڭ دەنەسىن تاپقان. ىزدەۋ جۇمىستارى 27 كۇن جالعاسقان. وقيعاعا بايلانىستى تۇركىستان وبلىستىق پوليتسيا دەپارتامەنتى قىلمىستىق ءىس قوزعاعان. سوتقا دەيىنگى تەرگەۋ امالدارى ءجۇرىپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟