قازاقستان دەنساۋلىق ساقتاۋ مينيسترلىگىنىڭ مالىمەتىنشە، ەلدە وتكەن تاۋلىكتە 1174 ادامعا كوروناۆيۋرس جۇققان. ال 16 ماۋسىمدا 79 ادام كوروناۆيرۋس پنەۆمونياسىنا شالدىققان.

وتكەن تاۋلىكتە استانادا 372 ادامنىڭ اناليزىنەن كوروناۆيرۋس انىقتالعان. بۇل – رەسپۋبليكا بويىنشا تىركەلگەن ەڭ جوعارى كورسەتكىش. قاراعاندى وبلىسىندا – 152, الماتىدا 105 ناۋقاس انىقتالعان. قالعان قالالار مەن وبلىستاردا انىقتالعان ناۋقاستار جۇزگە جەتپەيدى.

2020 جىلدىڭ ناۋرىز ايىنان بەرى ەلدە 406 383 ادامنىڭ كوروناۆيرۋس تەستى وڭ شىققان. ال 2020 جىلدىڭ 1 تامىزىنان بەرى 56 412 ادام كوروناۆيرۋس پنەۆمونياسىنا شالدىققان.

ىندەت باستالعالى بەرى 4211 ادام (16 ماۋسىمدا 8 ادام قايتىس بولعان) كوروناۆيرۋستان قايتىس بولعان. تاعى 3421 ادامنىڭ ولىمىنە كوروناۆيرۋس پنەۆمونياسى سەبەپ بولدى (16 ماۋسىمدا 1 ادام كوز جۇمعان) دەپ ايتىلادى. ودان بولەك، ىندەت باستالعالى بەرى شامامەن 2 مىڭ ادام كوروناۆيرۋستىڭ "جاناما اسەرىنەن" قايتىس بولعان. قازاقستاندا مۇنداي ادام ءولىمى كورسەتكىشى Covid ستاتيستيكاسىنا ەنگىزىلمەيدى.

"The Qazaq Times"