QazVac ۆاكتسيناسىنىڭ كلينيكالىق زەرتتەۋىنىڭ جان-جاقتى پارامەترلەرى تاياۋ ۋاقىتتا جاريالانادى. بۇل تۋرالى بۇگىن، 16 ماۋسىمدا ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا دەنساۋلىق ساقتاۋ ءمينيسترى الەكسەي تسوي ايتتى.

«مەديتسينا قاۋىمداستىعى قازىرگى ۋاقىتتا قولدانۋعا ەنگىزىلگەن وتاندىق QazVaس ۆاكتسيناسىن ازىرلەۋدەگى قازاقستاننىڭ جوعارى جەتىستىگىن ماقۇلدايدى. ول كلينيكالىق سىناقتىڭ كەزەڭدەرىنەن ءوتتى. قازىر كلينيكالىق پراكتيكادا تۇر. بۇل ۆاكتسينانى بيولوگيالىق قاۋىپسىزدىك سالاسىندا جۇمىس ىستەيتىن ءبىزدىڭ جەتەكشى سالالىق ماماندار دا قۋاتتايدى. دەنساۋلىق ساقتاۋ جۇيەسىندەگى بارلىق ماماندار بۇل الەۋەتتى جوعارى باعالايدى» دەدى مينيستر.

سونىمەن قاتار ول ۆاكتسيناعا قاتىستى اقپاراتتاردىڭ ءالى كۇنگە قولجەتىمدى بولماي وتىرعاندىعىن ءتۇسىندىرىپ ءوتتى.

«ءبىلىم جانە عىلىم مينيسترلىگى، بيولوگيالىق قاۋىپسىزدىك ماسەلەرى ينستيتۋتى بىرقاتار رەيتينگتىك جۋرنالعا بىرنەشە ماقالالارىن جىبەردى. نۇسقاۋلىقتا نەگىزگى اقپاراتتار، قولدانۋ نۇسقاۋلىعى، تيىمدىلىگى، كورسەتكىشتەر مەن قارسى كورسەتكىشتەرى بويىنشا پوزيتسياسى قامتىلعان. حالىققا جەتكىزىلگەن. ازاماتتارعا ۆاكتسيناتسيا بارىسىندا ايتىلادى. تاياۋ ۋاقىتتا كلينيكالىق زەرتتەۋدىڭ جان-جاقتى پارامەترلەرى جاريالانادى. بۇل رەتتە ەشقانداي قۇپيا جوق. بۇل تازا پروتسەدۋرالىق پروتسەسس» دەدى تسوي.

«The Qazaq Times»