ۇلكەن جەتىلىك قىتايدىڭ «ءبىر بەلدەۋ، ءبىر جول» جوباسىنا باسەكەلەس جوباس ۇسىندى

«ۇلكەن جەتىلىك» (G7)  قىتايدىڭ «ءبىر بەلدەۋ، ءبىر جول» جوباسىنا باسەكەلەس، دامۋشى مەملەكەتتەردىڭ ينفراقۇرىلىمدارىن دامىتۋ جوباسىن قابىل الاتىن بولدى. بۇل جوبانى اقش پرەزيدەنتى جو بايدەن «ۇلكەن جەتىلىك» ساميتىندە ۇسىندى. بايدەن ۇسىنعان «جاقسىراق الەم قۇرۋ» (Build Back Better World نەمەسە B3W) جوباسى قىتايدىڭ ينفراقۇرىلىمدىق جوبالارىنا جوعارى ساپاداعى التەرناتيۆا بولادى دەپ كۇتىلۋدە.

بۇعان دەيىن قىتايدىڭ «ءبىر بەلدەۋ، ءبىر جول» جوباسى كوپتەگەن دامۋشى مەملەكەتتەردىڭ تەمىر جولدارىن، اۆتو دالىزدەرىن جانە پورتتارىن دامىتۋدى قارجىلاندىرىپ كەلگەن. الايدا، جوبا كەيبىر ەلدەردى قارىز قىسپاعىنا العانى ءۇشىن سىنعا الىنىپ كەلگەن ەدى.

قۇراما شتاتتار قىتايدىڭ دامۋشى ەلدەردىڭ ينفراقۇرىلىمدارىن دامىتۋ جوبالارىن «قارىز ديپلوماتياسى» دەپ سىناپ كەلەدى. بۇل جولعى ءسامميتى دە قۇراما شتاتتار تارابى قىتاي جاھاندىق ىقپالىنىڭ وسۋىنە قارسى تاقىرىپتى كوتەرۋدىڭ مۇمكىنشىلىگى رەتىندە قاراستىردى. امەريكالىقتار قىتايدىڭ دامۋشى ەلدەرگە ميللياردتاپ قارجى سالاتىن «ءبىر بەددەۋ، ءبىر جول» جوباسىن توقتاتۋ كەرەك دەپ سانايدى.

ارينە، «ۇلكەن جەتىلىك» قۇرامىنداعى ەلدەر باتىس قۇندىلىعى نەگىزىندە الەمنىڭ دامۋ باعىتىن قالىپتاستىرعىسى كەلەدى. ءبىر سەبەبى وسى ماقساتتا قىتايدىڭ ينۆەستيتسيالارىنىڭ وتەۋى جوعارى بولىپ جاتقانىن جانە شىڭجاڭداعى از ساندى ۇلتتاردىڭ قىسىمعا ۇشىراپ جاتقانىن العا تارتادى.

باتىس ەلدەرىنىڭ قىتايعا قارسى قادامدارى جيىلەي ءتۇستى. بيىلدىڭ وزىندە اقش، كانادا، ەۋروپا وداعى جانە بريتانيا قوسىلىپ قىتايعا كوورديناتسيالانعان سانكتسيا سالدى. بۇعان قوسا ەتنيكالىق ازشىلىقتاردىڭ قۇقىعىن بۇزدى دەگەن ايىپپەن شىڭجاڭ ۇكىمەتىنىڭ باسشىلارىن سانكتسيا تىزىمىنە قوستى.

بريتان جەرىندە ءوتىپ جاتقان «ۇلكەن جەتىلىك» سامميتىندە الدىنعى قاتارلى دامىعان ەلدەردىڭ ليدەرلەرى «قۇندىلىقتارعا نەگىزدەلگەن، جوعارى ساپاداعى جاڭا دامۋدى» ۇسىنۋدا. بىراق، بۇل جوبا «ۇلكەن جەتىلىك» جاعىنان قالاي قارجىلاندىرىلعالى تۇرعانى قازىرگە بەلگىس3p7

“The Qazaq Times”