كۇن ەنەرگياسىنان قۋات الاتىن نەمىس كونتسەرنى

كۇننەن الىناتىن ەلەكتر قۋاتىن ءوندىرۋشى ەلدەردىڭ قاتارىندا گەرمانيا الدىڭعى قاتاردا. قازىر عالىمدار وسى قوسىمشا ەنەرگيا تۇرىنە ەرەكشە ءمان بەرىپ، ونى دامىتۋ جولدارىن قاراستىرۋمەن اينالىسىپ جاتىر. وسىعان وراي كۇن ەنەرگياسىن ەلەكتر ەنەرگياسىنا اينالدىراتىن قۇرىلعىلاردى پايدالانۋ دەڭگەيى جىلدان-جىلعا ارتقان. ءبىر عانا مىسال، نەمىس تەمىرجولشىلارى جاڭارتىلعان ەنەرگيا كوزدەرىن كادەگە جاراتۋ ارقىلى ەكولوگياعا تيەتىن زياننىڭ الدىن العان.

Deutsche Bahn (DB) نەمىس تەمىرجول كونتسەرنى 2038 جىلعا دەيىن كۇن، جەل، بيوماسسا جانە سۋ ەنەرگياسىن قولدانباق. بيىل كونتسەرننىڭ شىعىندارىنداعى ۇلەس 60%-دان اسقان. اتاپ ايتقاندا، بىرنەشە جىل بۇرىن گەرمانيانىڭ جولاۋشىلار مەن ەلەكتروۆوزدارى بار IC/EC پويىزدارى ەلەكتر ەنەرگياسىن بالامالى كوزدەردەن الدى.

Enerparc كۇن ەلەكتر ستانتسياسى. فوتو: www.dw.com

Dpa اقپارات اگەنتتىگىنىڭ بۇل فوتوسۋرەتتەر قازىر مەكلەنبۋرگ، پومەرانيا جەرىندە تۇسىرىلگەن. وندا پلاۋ-ام-زە قالاسىنىڭ جانىندا ەnerparc فيرماسىنىڭ 90 گەكتاردان استام جاڭا كۇن ەلەكتر ستانتسياسى ورنالاسقان. ەكى كومپانيا اراسىنداعى كەلىسىمشارتقا سايكەس، الداعى 30 جىلدا DB تەك وسى جەردەن جىلىنا 80 گيگاۆاتت-ساعاتتان استام ەلەكتر ەنەرگياسىن الادى.

جىل سايىن بۇل كونتسەرن شامامەن 10 تەراۆاتت-ساعات ەنەرگيا جۇمسايدى، بۇل گامبۋرگ قالاسىنداعى تۇرعىنداردىڭ جىلدىق ءومىر ءسۇرۋ ۋاقىتىنا تەڭ.

فوتو: www.dw.com

كۇن قۋاتى – شەشۋشى ەكولوگيالىق فاكتورلاردىڭ ءبىرى. اتاپ ايتقاندا جارىق جەردە ءومىر سۇرەتىندەردىڭ بارلىعىن دەرلىك فوتوسينتەز  ارقىلى ەنەرگيامەن جانە قۇنارلى زاتتارمەن قامتاماسىز ەتەدى. ءتىرى اعزالار ءۇشىن ساۋلە تولقىنىنىڭ ۇزىندىعى، ونىڭ قارقىندىلىعى جانە ساۋلەلەندىرۋدىڭ ۇزاقتىعى قاجەت. كۇن ەنەرگياسىن پايدالانۋدىڭ وزىندىك ارتىقشىلىقتارىمەن قاتار كەمشىلىكتەرى دە بار.

ارتىقشىلىقتارى:

1) كۇن ەنەرگياسى بارىنە بىردەي قولجەتىمدى;

2) ول سارقىلمايدى;

3) قورشاعان ورتاعا قاۋىپسىز;

كەمشىلىكتەرى:

1) اۋا رايى مەن تاۋلىكتىڭ ۋاقىتىنا تاۋەلدى;

2) كۇن ەنەرگياسىن الۋ ءۇشىن قولدانىلاتىن قۇرىلعىلاردىڭ قىمباتتىلىعى;

3) ونى شاعىلدىراتىن بەتتى پەريودتى تۇردە تازالاپ وتىرۋ قاجەت;

4) ەلەكتر ستانتسياسىنىڭ جانىندا اتموسفەرا ىسىپ كەتەدى;

5) ەنەرگيانى اككۋمۋلياتسيالاۋ قاجەت.

"The Qazaq Times"