بەلسەندى الىبەك مولدين. فوتو: centralasian.or

29 قاڭتاردا №3 اقتءوبە قالالىق سوتى كءوپ بالالى بەس انانىڭ جەرگىلىكتى بەلسەندى ءالىبەك ءمولديننىڭ ءۇستىنەن جازعان شاعىمى بويىنشا ازاماتتىق ءىستى قاراي باستادى. بۇل تۋرالى اقتءوبە وبلىستىق سوتىنىڭ باسپاسءوز قىزمەتى حابارلادى.

كوپ بالالى انالار: گۇلميرا بيماعامبەتوۆا، سانىمكۇل سۇيىنباەۆا، جانار قۇلمامبەتوۆا، ميۋا بەكبوسىنوۆا مەن زيبا وتاربەكوۆا سوتقا ءمولديننىڭ ۇستىنەن «ار-نامىسىمىزدى تاپتادى» دەپ شاعىمدانعان. ايەلدەردىڭ ارقايسى سوتتان مورالدىق شىعىن رەتىندە مولديننەن 100 مىڭ تەڭگەدەن ءوندىرىپ بەرۋىن سۇراعان. شاعىمدانۋشىلار سونىمەن بىرگە بەلسەندىنىڭ كوپشىلىكتىڭ الدىندا انالاردان كەشىرىم سۇراۋىن تالاپ ەتىپ وتىر.

وسىدان جيىرما كۇن بۇرىن 9 قاڭتاردا اقتوبە №2 قالالىق سوتى "كوپ بالالى انالاردى قورلادى" دەپ ايىپتالعان اقتوبەلىك بەلسەندى الىبەك ءمولديندى اقتاپ شىققان بولاتىن. سوت ۇكىمىن وقىعان سۋديا تەمىرجان الدانوۆ ء"مولديننىڭ ۇستىنەن قوزعالعان ىستە قىلمىس قۇرامى تابىلمادى" دەگەن.

مولدين ءىسى بويىنشا وتكەن سوت پروتسەستەرىنىڭ بىرىندە اقتوبە وبلىسى اكىمدىگىنىڭ جانىندا تۇسىرىلگەن ۆيدەو ايعاق كورسەتىلگەن ەدى. ۆيدەودان كوپ بالالى ايەلدەردىڭ اكىمدىككە جينالعانىن كورۋگە بولادى. نارازى توپپەن اقتوبە قالاسى اكىمىنىڭ ورىنباسارى ايگۇل ارىنعازيەۆا سويلەسىپ تۇر. سالدەن سوڭ نارازى توپ ارىنعازيەۆانىڭ سوڭىنان ىلەستى. وسى كەزدە كادر سىرتىنداعى ەر ادامنىڭ «مال بولىپ وتەسىڭدەر، حالىقتىڭ توبىر ەكەنىن وسىدان بىلۋگە بولادى» دەگەن داۋىسى ەستىلدى. ارىزدانۋشىلار گۇلميرا بيماعامبەتوۆا مەن سانىمكۇل سۇيىنباەۆا «بۇل – ءمولديننىڭ داۋىسى. ول ءبىزدى قورلادى» دەيدى.

سوتقا جەكە شاعىم تۇسىرگەندەر - سانىمكۇل سۇيىنباەۆا مەن گۇلميرا بيماعامبەتوۆا سوت ۇكىمىمەن كەلىسپەيتىنىن ايتقان. ارتىنشا ازاماتتىق سوتقا شاعىمدانعان.

الىبەك مولدين وزىنە تاعىلعان ايىپتارمەن كەلىسپەيدى. ول "قىلمىستىق ءىستى ءوزىنىڭ بەلسەندىلىگىمەن" بايلانىستىرىپ وتىر. مولدين سوت باستالعاندا وزىنە قوزعالعان ءىستى "بيلىكتىڭ تاپسىرماسى" دەپ سانايتىنىن ايتقان. اكىمدىك وكىلدەرى مۇنى جوققا شىعارعان.

بەلسەندى مولدين 2016 جىلعى جەر ميتينگىلەرى، 2019 جىلى بيلىكتەن ءادىل سايلاۋ وتكىزۋدى تالاپ ەتكەن نارازىلىق شارالارىنا، قازاقستانداعى قىتاي جوبالارىنا قارسى اكتسيالارعا قاتىسقان. بىلتىر ول "بەيبىت ميتينگ وتكىزۋ زاڭىن بۇزدى" دەپ ءتورت رەت اكىمشىلىك جاۋاپقا تارتىلعان.

"The Qazaq Times"