Foto: igasia.ru

Tayau Şığısta Izrail' men HAMAS qozğalısı arasındağı atıs toqtadı. 11 künge sozılğan qandı qırğınnıñ ayaqtaluına Egipet biligi men halıqaralıq qauımdastıqtar sebep boldı.

19 mamırda Izrail' perem'eri Ben'yamin Netan'yahu el halqınıñ qauipsizdigi qamtamasız etilgenge  deyin äue şabuıldarınıñ jalğasa beretinin aytqan bolatın.

Al 20 mamırda izrail'diñ äskeri-sayasi kabineti arnayı otırıs kezinde atıs-şabıstı birjaqtı toqtatu turalı wsınıstı maqwldadı. HAMAS qozğalısı da bwl şeşimmen kelisti. Juırda Egipet prezidenti aymaqtağı bitimgerşilikti baqılau üşin Palestina men Izrail'ge eki delegaciya jiberetinin mälimdegen bolatın.

Taraptar arasında bitim wzaq uaqıtqa sozıluı üşin Egipet Izrail' jäne Palestina ökilderi arasında kezdesu wyımdastıruğa küş saladı degen de aqparat bar.

Tayau Şığıstağı şielenis ötken ayda uşığa bastağan. Oğan Izrail' sotınıñ Ierusalimdegi Şeyh-Djarah audanınan palestinalıqtardı köşiru turalı şeşimi sebep boldı. Izrail' 1967 jılı Tayau Şığıstağı soğıstan soñ Şığıs Ierusalimdi basıp alıp, astanamız dep jariyalağan. Biraq halıqaralıq qauımdastıq Ierusalimdi Izrail' astanası dep moyındamadı. Palestinalıqtar Şığıs Ierusalimdi öz jerimiz äri bolaşaqta qwrılatın täuelsiz elimizdiñ astanası boladı dep sanaydı.

"The Qazaq Times"