اقش پرەزيدەنتى دجو بايدەننىڭ اكىمشىلىگى رەسەي ديپلوماتتارىن ەلدەن شىعارىپ، سانكتسيالار ەنگىزۋدى قاراستىرىپ جاتىر.
رەسەيگە كەزەكتى مارتە سانكتسيا ەنگىزۋدىڭ سەبەبى – SolarWinds-قا جاسالعان كيبەرشابۋىلمەن امەركياداعى سايلاۋعا ارالاسۋ.
وسى جىلدىڭ قاڭتارىندا اقش بارلاۋ قوعامداستىعىنىڭ وكىلدەرى SolarWinds دەپ اتالاتىن اۋقىمدى كيبەرشابۋىلدىڭ ارتىندا رەسەي بيلىگى تۇرۋى مۇمكىن دەگەن قورىتىندىعا كەلدى. كيبەرشابۋىل توعىز فەدەرالدى دەپارتامەنتكە جانە جۇزگە جۋىق جەكە كومپانيالارعا كەرى اسەر كەتكەن. 18 مىڭعا جۋىق سۋبەكتكە شابۋىل جاسالعان.
SolarWinds كومپانياسىنىڭ Orion باعدارلامالىق جاساقتاماسى 2020 جىلى ناۋرىزدا شابۋىل سالدارىنان ىستەن شىققان. حاكەرلەر ۆيرۋس ەنگىزگەننەن كەيىن اتالعان باعدارلامانى SolarWinds تۇتىنۋشىلارى، سونىڭ ىشىندە اقش مەملەكەتتىك ورگاندارى جانە 400-دەن استام ءىرى كومپانيالار جۇكتەگەن جانە قولدانعان. بۇل تۋرالى 2020 جىلدىڭ جەلتوقسانىندا اقش ۇلتتىق بارلاۋ دەپارتامەنتىنىڭ، فبر جانە ينفراقۇرىلىمدىق جانە كيبەرقاۋىپسىزدىك اگەنتتىگىنىڭ بىرلەسكەن مالىمدەمەسىندە ايتىلدى. سول كەزدە مەملەكەتتىك حاتشى بولعان مايك پومپەو «بۇل شابۋىلعا كرەملدىڭ تىكەلەي قاتىسى بار» دەگەن نۇسقانى ۇسىندى. ال قاڭتاردىڭ سوڭىندا اقش پرەزيدەنتى دجو بايدەن كەز كەلگەن حاكەرلىك شابۋىلدىڭ ارتىندا رەسەي تۇرۋى مۇمكىن دەگەن. ال ماسكەۋ ۆاشينگتوننىڭ بۇل مالىمدەمەسىنە جاۋاپ بەرگەن جوق.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟