فوتو: The Wall Street Journal

جاپون پرەمەر-ءمينيستىرى شينزو ابە (سيندزو ابە) جاپونيا سولتۇستىك كورەيانىڭ سارين گازى قولدانىلاتىن حيميالىق شابۋىلىنا ۇشىراۋى مۇمكىن دەپ ەسكەرتتى. بۇل سۇرياداعى حيميالىق شابۋىل جاعدايىن قايتالاۋى مۇمكىن دەپ وتىر.

جاپون پرەمەرىنىڭ وكىلى جاپونيا سولتۇستىك كورەيانىڭ حيميالىق شابۋىلىنا تاپ بولۋى مۇمكىن دەگەندى راستادى. ساراپشىلار بۇل مالىمدەمە اقش پەن سولتۇستىك كورەيا اراسىنداعى يادرولىق سىناقتى قامتىعان شيەلەنىستى تاعى ءبىر ساتىعا جوعارلاتادى دەپ وتىر. حيميالىق قارۋ قولدانۋ سولتۇستىك كورەيادان كەلەتىن تاعى ءبىر زور قاۋىپ دەپ قارالادى.

سولتۇستىك كورەيانىڭ يادرولىق باعدارلاماسىنىڭ اۋقىمى مەن قۋاتى كەڭىنەن تانىمال بولسا دا، بۇل ەلدىڭ حيميالىق قارۋلار قۋاتى جايىندا قانداي دا ءبىر اقپارات پەن تۇسىنىك كەمشىل. سولتۇستىك كورەيا قورعانىس تاراۋلارىنىڭ مالىمەتىنە قاراعاندا، ولاردا سارين گازىن قامتىعان مىڭداعان توننا حيميالىق قارۋى بار.

شينزو ابە بەيسەنبى كۇنى جاپون كونگرەسىنىڭ ماجىلىسىندە، ەگەر سولتۇستىك كورەيا جاپون ارالدارىنا حيميالىق شابۋىل جاسايتىن بولسا، وندا سۇرياداعى حيميالىق شابۋىل ءىسى وسىندا قايتالاناتىنىن. سۇرياداعى شابۋىلدان كەم دەگەندە 85 ادام قازا بولعانىن ايتتى. شينزو ابەنىڭ ايتۋىنشا س.كورەيا ازىرگە دەيىن حيميالىق قارۋدى تاسىمالدايتىن زىمىرانداردى جەتىلدىرىپ بولعان.

قىتاي سىرتقى ىستەر ءمينيسترى بەيسەنبى كۇنى حابارلاما جاريالاپ: «قارۋ قولدانۋ ارقىلى سولتۇستىك كورەيا ماسەلەسىن شەشۋ مۇمكىن ەمەس. كىمدە كىم كورەي تۇبەگى ماسەلەسىنىڭ بولاشاعىن تاپ باسىپ ايتا المايدى. ءبىز ولاردىڭ تاريحي جاۋاپكەرشىلىگىن ءوز موينىنا بەرۋىمىز كەرەك»، – دەگەن پىكىر ءبىلدىردى.

“The Qazaq Times”