بىلتىر جەمقورلىق كۇدىگىنە ءىلىنىپ، ۇيقاماقتا وتىرعان قازاقستاننىڭ ەكس-دەنساۋلىق ساقتاۋ ءمينيسترى ەلجان ءبىرتانوۆتىڭ دەنساۋلىعى ناشارلاعان. بۇل جايلى ونىڭ ادۆوكاتى دميتري كۋرياچەنكو «استانا» تەلەارناسىنىڭ جۋرناليستەرىنە ايتىپ بەرگەن.
ادۆوكاتتىڭ سوزىنشە، بىرتانوۆقا قازىر مەدەتسينالىق كومەك كورسەتىلىپ جاتىر.
ەكس-ءمينيستردىڭ قورعاۋشىسى «استانا» تەلەارناسىنا بەرگەن سۇحباتىندا ءبىرتانوۆتىڭ كىناسىز ەكەنىن دالەلدەيتىن ايعاقتار بار ەكەنىن ايتىپ، ونى نەگىزسىز ۇستاپ وتىرعانىن العا تارتقان.
«كەرىسىنشە، ونىڭ كىناسىزدىگىن جانە قاتىسى جوعىن دالەلدەيتىن فاكتىلەر بار. ايىپ دەنساۋلىق ساقتاۋ سالاسىنداعى ينتەگراتسيالىق پلاتفورما جاساۋشى حورۆاتتىڭ «ەريكسون نيكولا تەسلا» كومپانياسىنىڭ ءوز مىندەتتەرىن ورىنداماعانى جايلى كۇدىككە نەگىزدەلگەن. الايدا ءتىپتى مەديتسينا مەكەمەسىندەگى حاتتار داۋى پلاتفورمانىڭ جۇمىس ىستەپ تۇرعانىن دالەلدەيدى» – دەدى ادۆوكات.
2017 جىلدىڭ قاڭتارىنان باستاپ دەنساۋلىق ساقتاۋ ءمينيسترى قىزمەتىن اتقارعان 49 جاستاعى ەلجان ءبىرتانوۆ بىلتىر ماۋسىمدا كوروناۆيرۋسپەن اۋىرعاندار سانى كۇرت كوبەيىپ، اۋرۋحانالاردا ورىن جەتپەي جاتقان تۇستا قىزمەتىنەن بوستىلعان. ال قاراشا ايىندا ول «ءىرى كولەمدە قارجى جىمقىرۋ» كۇدىگى بويىنشا ۇستالدى. ول سول كەزدەن بەرى ۇيقاماقتا وتىر. 26 ناۋرىزدا سوت ونىڭ قاماۋ مەرزىمىن 30 ساۋىرگە دەيىن ۇزارتقان.
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟