فرانتسيادا ءۇشىنشى رەت لوكداۋن ەنگىزىلەدى

فرانتسيا پرەزيدەنتى ەممانۋەل ماكرون ەلدەگى ەپيداحۋالدىڭ ناشارلاۋىنا بايلانىستى جاپپاي وقشاۋلاۋ رەجيمىنە كوشۋ تۋرالى شەشىم شىعاردى.

بۇعان دەيىن فرانتسيانىڭ 19 دەپارتامەنتىندە ەنگىزىلگەن قاتاڭ لوكداۋنعا ەندى بارلىق ايماق كوشەدى. وسى سەنبىدەن باستاپ ءتورت اپتاعا بارلىق دۇكەندەر جابىلادى. كەلەسى اپتادان باستاپ مەكتەپتەر كەم دەگەندە ءۇش اپتاعا جابىلىپ، وقۋشىلار قاشىقتان وقىتۋعا كوشەدى. ۇيدەن 10 شاقىرىمنان ارتىق ەشقانداي سەبەپسىز جۇرۋگە تىيىم سالىنادى.

قازىر مۇندا ۆيرۋس جۇقتىرعاندار سانى 5 ميلليونعا جۋىقتادى. رەانيماتسيا بولىمشەلەرىندە 5 مىڭنان استام ادام بار. دەنساۋلىق ساقتاۋ مينيسترلىگىنىڭ مالىمەتىنشە، سارسەنبىدە 59 مىڭنان استام جاڭا كەيس تىركەلگەن.

كەلەسى اپتادان باستاپ مەكتەپتەردىڭ جابىلاتىنى تۋرالى حابارلاعاننان كەيىن ماكرون نەگىزگى سالالارداعى جۇمىسشىلاردىڭ بالالارى ءالى دە ساباققا قاتىسا الاتىندىعىن ەسكەرتتى. ەندى ماكرون جاريالاعان شارالار پارلامەنتتە تالقىلانۋى كەرەك، سودان كەيىن بەيسەنبىدە داۋىس بەرۋ وتەدى.

"The Qazaq Times"