Франция президенті Эммануэль Макрон. Фото: cdn

Франция президенті Эммануэль Макрон елдегі эпидахуалдың нашарлауына байланысты жаппай оқшаулау режиміне көшу туралы шешім шығарды.

Бұған дейін Францияның 19 департаментінде енгізілген қатаң локдаунға енді барлық аймақ көшеді. Осы сенбіден бастап төрт аптаға барлық дүкендер жабылады. Келесі аптадан бастап мектептер кем дегенде үш аптаға жабылып, оқушылар қашықтан оқытуға көшеді. Үйден 10 шақырымнан артық ешқандай себепсіз жүруге тыйым салынады.

Қазір мұнда вирус жұқтырғандар саны 5 миллионға жуықтады. Реанимация бөлімшелерінде 5 мыңнан астам адам бар. Денсаулық сақтау министрлігінің мәліметінше, сәрсенбіде 59 мыңнан астам жаңа кейс тіркелген.

Келесі аптадан бастап мектептердің жабылатыны туралы хабарлағаннан кейін Макрон негізгі салалардағы жұмысшылардың балалары әлі де сабаққа қатыса алатындығын ескертті. Енді Макрон жариялаған шаралар Парламентте талқылануы керек, содан кейін бейсенбіде дауыс беру өтеді.

"The Qazaq Times"