ءۇش اپتادان بەرى «قىزىل ايماقتا» تۇرعان الماتى قالاسىنداعى «حالىق ارەنا» سپورت كەشەنى ۋاقىتشا ەمدەۋ ورنىنا اينالدى. سارسەنبى كۇنگى تاڭداعى اقپارات بويىنشا، وندا جاعدايى ورتا دارەجەدەگى 18 ناۋقاس جاتىر.
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنە قاراعاندا، سپورت كەشەنىندەگى گوسپيتال ءحالى ورتاشا پاتسيەنتتەرگە ارناپ قۇرىلعان.
«كوروناۆيرۋستى تاراتپاس ءۇشىن جانە اۋرۋحانالار جۇيەسىندەگى جۇكتەمەنى جەڭىلدەتۋ ماقساتىندا وسىنداي شەشىم قابىلداندى. ازىرگە مۇندا 1000 توسەك-ورىن جابدىقتالدى. ۋاقىتشا اشىلعان پروۆيزورلىق ورتالىقتا ورتاشا دەڭگەيدەگى جانە سوزىلمالى جاناما اۋرۋى بار قارت ناۋقاستار ەمدەلەتىن بولادى. ءاۋ باستان بۇل جەردە مەديتسينالىق كومەك كورسەتۋگە جاعداي جاسالعان. سىرقاتتى ەمدەۋگە ارنالعان زاماناۋي قۇرىلعىلار، بارلىق كەرەك-جاراقپەن قامتىلعان»، – دەلىنگەن رەسمي حابارلامادا.
وسىعان دەيىن «حالىك ارەنا» كەشەنى پروۆيزورلىق ورتالىق رەتىندە بىلتىر «ماۋسىم-شىلدە قىرعىنىنان» كەيىن، ىندەتتىڭ بەتى قايتار تۇستا، تامىز ايىنا قاراي قۇرىلعان ەدى.
«كەشەن ۇزدىكسىز جىلىتىلادى، پاتسيەنتتەردى قابىلداۋ كەزىندە تەمپەراتۋرا +25-26 گرادۋسقا دەيىن كوتەرىلدى. كۇندىزگى تاماقتانۋ رەجيمىن قامتاماسىز ەتەتىن اۋتسوسرس-كومپانيا ازىق-اۋقاتتى قولدانباسى بىررەتتىك ىدىسپەن ۋاقىتىلى جەتكىزىپ وتىر. گيگيەنالىق كۇتىم ءۇشىن دە جاعداي جاسالعان»، – دەپ ناقتىلادى باسقارمانىڭ ءباسپاسوز قىزمەتى.
دەنساۋلىق ساقتاۋ مينيسترلىگىنىڭ بۇگىنگى دەرەگىنە سايكەس، 537 ادامنان كوروناۆيرۋس پەن پنەۆمونياسى انىقتالعان. پتر تەستى ارقىلى ۆيرۋس جۇققانى راستالعان 526 ناۋقستىڭ 425-ىندە سيمپتومدىق بەلگىلەرى بار، 101-ءى سيمپتومسىز.
وتكەن تاۋلىكتە 306 ادام اۋرۋحاناعا جاتقىزىلعان جانە 209 ادام ۇيىنە جىبەرىلگەن. باس سانيتار-دارىگەرى جانداربەك بەكشين ءبىر كۇندە اۋرۋحاناعا جاتقىزىلعاندار سانى 500-دەن اسسا، قالادا لوكداۋن كۇشەيتىلىپ، بلوك-بەكەت قويىلاتىنىن ەسكەرتكەن.
الماتى قالاسىنداعى دەنساۋلىق ساقتاۋ سالاسىنداعى جاعدايدى كەڭىرەك باياندار بولساق، قازىر جۇقپالى اۋرۋلارعا ارنالعان بارلىق 5 مىڭ ورىننىڭ 2783-ءى بوس ەمەس. ونىڭ 109-ى بالا. سونىمەن قوسا، رەانيماتسيا بولىمدەرىندەگى 295 ورىننىڭ 125-ىندە ناۋقاستار جاتىر. 6 ادام ءوجج، 54 ناۋقاس ءينۆازيۆتى ەمەس ءوجج-ىمەن جانە 35 سىرقات High flow اپپاراتىمەن تىنىستاپ جاتىر.
قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا كەيىنگى جەتى كۇندە انىقتالعان سىرقاتتار سانى 100 مىڭ تۇرعىنعا شاققاندا 149,9 بولعانىن جانە R رەپرودۋكتيۆتى كورسەتكىش 1,114-كە جەتكەنىن مالىمدەدى. ونىڭ حابارلاۋىنشا، قازىر ىندەتتىڭ 3088 وشاعى بار. 2759 ناۋقاس ستاتسيوناردا، 3257 ادام امبۋلاتورلىق دەڭگەيدە ەمدەلىپ جاتىر.
سونداي-اق، سىيىمدىلىعى 815 ورىن بولاتىن 7 قوناق ءۇي كارانتين مەكەمەسى رەتىندە جۇمىس ىستەيدى.
قالادا نەبارى 15 750 ادام ۆاكتسينانىڭ العاشقى دوزاسىن سالدىرعان. ەكى دوزانى تولىق العاندار قاتارى 3,2 مىڭ ادام عانا.
ناۋرىز ايىنىڭ 1-ءى مەن 30-ى ارالىعىندا قالادا 9098 ناۋقاس (كۆي+ 9010, كۆي- 88) تىركەلدى. بۇل وسى ۋاقىتقا دەيىن تىركەلگەن بارلىق (1.03.2020-30.03.2021 ج.ج. ارالىعىندا اۋىرعان 39 613 ادام) سىرقاتتىڭ 23%-ى. ەلدە وسى ايدا ەسەپكە الىنعان 32,7 مىڭ سىرقاتتىڭ 27,7%-ى ءبىر عانا الماتى قالاسىنان.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن