فرانتسيادا ءۇشىنشى رەت لوكداۋن ەنگىزىلدى

فرانتسيا ەپيدەميولوگيالىق احۋالعا بايلانىستى ءۇشىنشى رەت وقشاۋلاۋ رەجيمىنە كوشتى. دەرتتى جۇقتىرۋ كورسەتكىشى قاۋىپتى دەڭگەيدەن اسقان ون التى ايماقتا لوكداۋن 1 ايعا سوزىلماق.

جاڭا تارتىپكە ساي ازىق-تۇلىك پەن تۇرمىسقا اسا قاجەتتى زاتتار ساتاتىن دۇكەندەرگە عانا جۇمىس ىستەۋە رۇقسات ەتىلگەن. ءبىر ايماقتان ەكىنشى ايماققا ساپارلاۋعا تىيىم سالىندى. تۇرعىندارعا دالاعا سەرۋەندەپ شىعۋعا رۇقسات ەتىلگەنمەن، ۇيدەن 10 شاقىرىمنان ۇزاپ شىعۋعا بولمايدى. ال جۇمىس بەرۋشىلەر قىزمەتكەرلەرىنىڭ كوبىن قاشىقتان جۇمىس ىستەۋگە كوشىرۋى ءتيىس. بىراق مەكتەپتەر مەن بالاباقشالار جۇمىستارىن جالعاستىرادى.

مالىمەتتەر بويىنشا، فرانتسيادا كوروناۆيرۋسقا بايلانىستى كۇندەلىكتى ءوسىمنىڭ 20 مىڭنان تۇسپەي تۇرعانىنا جارتى اي بولعان. سوندىقتان دا بيلىك ەپيدەميولوگيالىق احۋالى ناشار وڭىرلەردە كومەندانتتىق ساعات ەنگىزىپ، شەكتەۋ شارالارىن كۇشەيتتى. پاريجدە ءار 12 مينۋت سايىن جانساقتاۋ بولىمىنە كوروناۆيرۋس جۇقتىرعان ءبىر ناۋقاس تۇسەدى. ماماندار مۇنداي جاعداي بىلتىر قاراشادان بەرى العاش تىركەلىپ وتىرعانىن ايتادى. پاريجدەگى اۋرۋحانالاردا ورىن جەتىسپەي، كەيبىر ناۋقاستار ۇشاقپەن كورشى وڭىرلەرگە جەتكىزىلە باستادى. قازىر دارىگەرلەر بيلىكتەن قايتادان جالپىۇلتتىق لوكداۋن ەنگىزۋدى سۇراپ وتىر.

"The Qazaq Times"