اقپارات جانە قوعامدىق دامۋ مينيسترلىگى ازىرلەگەن اككرەديتاتسيا جايلى جاڭا ەرەجە جۋرناليستەر مەن قۇقىق قورعاۋشىلاردىڭ نارازىلىعىنا قاراماستان قابىلداندى.
اقپارات ءمينيسترى بەكىتكەن جاڭا زاڭدا جۋرناليستەر مودەراتور تالابىنا باعىنۋعا جانە ءباسپاسوز تاقىرىبىنان اۋىتقىماۋعا ءتيىس. Zan.gov.kz سايتىندا جاريالانعان قۇجات بويىنشا، مەديا قاۋىمداستىقتىڭ قارسىلىعىنا ۇشىراعان جاڭا زاڭ جوباسىن بارلىق ۆەدومستۆو ءبىراۋىزدان ماقۇلداعان.
بۇعان دەيىن اقپارات جانە قوعامدىق دامۋ ءمينيسترى ايدا بالاەۆا بۇل زاڭ جۋرناليستەردىڭ قۇقىقتارىن شەكتەۋگە باعىتتالماعانىن ايتقان. الايدا جۋرناليستەر مۇنى بيلىكتىڭ وسى ەرەجەلەر ارقىلى ءسوز بوستاندىعىن شەكتەۋگە، تاۋەلسىز باق وكىلدەرىن اككرەديتاتسيادان ايىرۋعا نەگىز ەتەدى دەپ قاۋىپتەنگەن. سونىمەن قوسا، تىلشىلەر سىني ساۋالدارعا قارسى باعىتتالعان دەپ سانايدى.
«حالىق ۇنىنە قۇلاق اساتىن مەملەكەتكە» اينالۋدى ماقسات تۇتقان قازاقستاندا اقپارات قۇرالدارىنىڭ قىزمەتىنە ءجيى كەدەرگى كەلتىرىلىپ, اۋىق-اۋىق قىسىم كورسەتىلەدى. پاندەميا كەزىندە دارىگەرلەرمەن تىلدەسپەك بولعان، بەيبىت جيىنداردان اقپارات تاراتىپ جۇرگەن نەمەسە سايلاۋ ناۋقانىندا، ءتىپتى تىكەلەي ەفيردە وتەتىن وكق، وسك ءباسپاسوز بريفينگتەردە تىلشىلەرگە تۇرلى كەدەرگى جاسالادى. قازاقستان دۇنيەجۇزىندەگى ءسوز بوستاندىعى رەيتينگىندە 180 ەلدىڭ ىشىندە 157-ورىندا تۇرادى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن