اقش-تىڭ ۇلتتىق بارلاۋ قىزمەتى جاريالاعان باياندامادا رەسەي مەن يراننىڭ 2020 جىلعى پرەزيدەنتتىك سايلاۋعا ارالاسقانى ايتىلعان. بايانداما اۆتورلارىنىڭ ايتۋىنشا، رەسەي دونالد ترامپتىڭ قايتا سايلانۋ مۇمكىندىگىن ارتتىرۋ ءۇشىن جالعان اقپارات تاراتقان.
باياندامادا پۋتين دجو بايدەننىڭ بەدەلىن ءتۇسىرۋ تۋرالى بۇيرىقا بەرگەنى جازىلعان. سونىمەن قاتار، اۆتورلار: «2020 جىلى بىردە-ءبىر شەتەلدىك دەرجاۆا رەسەيدىڭ سياقتى سايلاۋعا اسەر ەتۋ ماقساتىندا كەڭ اۋقىمدى ناۋقان جۇرگىزۋگە تىرىسپادى. ال رەسەي دەموكراتيالىق پارتيانىڭ ەلەكتروندىق پوشتاسىنا حاكەرلىك شابۋىل جاساپ، الەۋمەتتىك جەلىلەردە فەيك حابار تاراتتى»، – دەيدى.
رەسەيدىڭ 2020 جىلى اقش-تاعى سايلاۋ كامپانياسىنا ارالاسقانى جايلى تۇجىرىمدار 16 ناۋرىزدا جارىق كورگەن اقش ۇلتتىق بارلاۋ قىزمەتى جاريالاعان 15 بەتتىك باياندامادا ايتىلادى. قۇجاتتا ترامپتىڭ وداقتاستارى ماسكەۋ مۇددەسىنە ساي ارەكەت ەتىپ، رەسەيشىل قىزمەتكەرلەردىڭ بايدەندى سىناۋىنا اتسالىسقانى جازىلعان.
امەريكا بارلاۋ قىزمەتىنىڭ ساراپشىلارى سونىمەن بىرگە كۋبا، ۆەنەسۋەلا جانە ليۆاندىق راديكال توپ «حەزبوللانىڭ» سايلاۋعا ارالاسۋعا تىرىسقانىن دا اتاپ وتەدى. الايدا ولاردىڭ مۇمكىندىكتەرى رەسەي مەن يرانمەن سالىستىرۋعا كەلمەيدى دەپ سانايدى. باياندامادا قىتاي بيلىگىنىڭ دە امەريكاداعى پرەزيدەنتتىك سايلاۋعا ارالاسپاق بولعانى، بىراق بۇدان ەشتەڭە شىقپاعانى جازىلعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟