اقش-تىڭ ورەگون شتاتىنىڭ گۋبەرناتورى كەيت براۋن پورتلەندكە ۇلتتىق گۆارديانى ەنگىزۋ تۋرالى بۇيرىق شىعاردى.

USA Today گازەتىنىڭ حابارلاۋىنشا، بۇعان نارازىلىق شەرۋلەرىندەورىن العان تارتىپسىزدىكتەر سەبەپ. قازىردىڭ وزىندە قۇقىق قورعاۋ ورگاندارى «كەڭ اۋقىمدى قۇقىق بۇزۋشىلىقتاردى» تىركەگەن. ۆانداليزم اكتىلەرى تۋرالى حابارلامالار دا تىركەلگەن.

«گۋبەرناتوردىڭ بۇيرىعىمەن ءبىز بىرلەسىپ جۇمىس ىستەۋدى، قوعامدىق قاۋىپسىزدىك ماسەلەلەرىن شەشۋ ءۇشىن رەسۋرستار جانە اقپاراتپەن قامتاماسىز ەتۋدى جالعاستىرامىز»، – دەيدى جەرگىلىكتى قۇقىق قورعاۋ ورگاندارىنىڭ ءباسپاسوز قىزمەتى.

پورتلەندتە دەمونسترانتتاردىڭ ەكى توبى شەرۋگە شىققان. توعىز ادام ۇستالعان.

ەسكە سالا كەتەيىك، 3 قاراشادا امەريكادا پرەزيدەنت سايلاۋى ءوتتى. ناتيجەلەر ءالى انىقتالعان جوق، داۋىستار ەسەپتەلىپ جاتىر. سايلاۋدان كەيىن كەيبىر شتاتتاردا ترامپتىڭ بيلىگىنە قارسى شەرۋ وتسە، كەي ايماقتار «دەموكرات بايدەن داۋىستاردى ۇرلادى، سايلاۋ ءادىل ءوتسىن!» دەگەن ۇرانمەن شىققان.

"The Qazaq Times"