ارمەنيادا ساياسي احۋال ۋشىعا ءتۇستى

ارمەنياداعى ساياسي احۋال ۋشىعىپ تۇر. باس شتابتىڭ باسشىسىن تاعايىنداۋ پرەمەر-مينيستر نيكولاس پاشينيان مەن پرەزيدەنت ارمەن ساركيسيان اراسىندا قايشىلىقتار تۋىنداتقان. وپپوزيتسيالىق «وتاندى قۇتقارۋ قوزعالىسى» ساركيسيانمەن كەزدەسۋگە دايىن، بىراق ولار پاشينياننىڭ وتستاۆكاسىن تالاپ ەتىپ وتىر.

قوزعالىستىڭ ۇيلەستىرۋشىسى يشحان ساگاتەليان وپپوزيتسيانىڭ كۇن تارتىبىنە سايكەس، پاشينيان وتستاۆكاعا كەتكەننەن كەيىن مەرزىمىنەن بۇرىن پارلامەنتتىك سايلاۋ وتكىزەتىن ۋاقىتشا ۇكىمەت قۇرىلسىن دەگەن تالاپ قويدى.

بەيسەنبىدە پاشينياننىڭ ارتاك داۆتياندى ارمەنيا قارۋلى كۇشتەرى باس شتابىنىڭ جاڭا باسشىسى ەتىپ تاعايىنداۋ تۋرالى ۇسىنىسىن ەل پرەزيدەنتى قابىلداۋدان باس تارتتى. سودان كەيىن مينيسترلەر كابينەتىنىڭ باسشىسى قايتادان وسى ۇسىنىستى حات تۇرىندە جولدادى. الايدا، پاشياننىڭ بۇل ۇسىنى دا كەرى قايتارىلدى.

ساركيسيان 10 ناۋرىزدا كونستيتۋتسيالىق كەڭەسكە «اسكەري قىزمەت جانە اسكەري قىزمەتشىنىڭ مارتەبەسى تۋرالى» زاڭ ەرەجەلەرىنىڭ كونستيتۋتسيا نورمالارىنا سايكەستىگى انىقتاۋدى تاپسىردى. سەبەبى، كونستيتۋتسيالىق سوتتىڭ شەشىمى جانە ىقتيمال شارالاردىڭ قابىلدانۋى باس شتابتىڭ باستىعىن قىزمەتىنەن بوساتۋ مەن تاعايىنداۋدىڭ قۇقىقتىق راسىمدەرىنە ايتارلىقتاي اسەر ەتۋى مۇمكىن. الايدا، زاڭ بويىنشا پرەزيدەنت جارلىققا ءۇش كۇن ىشىندە قول قويۋى ءتيىس نەمەسە كونستيتۋتسيالىق سوتتا وعان قارسى شىعۋى كەرەك.

ەل پارلامەنتى جانىندا وپپوزيتسيانىڭ پاشينيانعا قارسى ميتينگى ءالى دە جالعاسىپ جاتىر. عيماراتتى پوليتسيا جاساعى كۇزەتىپ تۇر. ال وپپوزيتسيا لاگەرىندە بىرنەشە پوليتسيا قىزمەتكەرى كەزەكشىلىك ەتەدى. ازىرگە، نارازىلىق بىلدىرۋشىلەر سانى كوپ ەمەس. ميتينگ بەوگىلەنگەن جەردە كولىكتەر مەن جاياۋ جۇرگىنشىلەر جولى اشىق.

ەلدەگى ساياسي احۋلادىڭ ۋشىعۋىنا باس شتاب باسشىسىنىڭ ءبىرىنشى ورىنباسارىنىڭ قىزمەتىنەن بوساتىلۋى سەبەپ. پرەمەر-مينيستر پاشينياننىڭ جوعارى لاۋازىمدى قىزمەتكەردى ورنىنان كەتىرۋ تۋرالى ۇسىنىسىنى ارمەنيا پرەزيدەنتى ارمەن ساركيسان ماقۇلداعان. ەندى وسىعان بايلانىستى قارۋلى كۇشتەر نيكول پاشينيانمەن قوسا ۇكىمەتتىڭ دە وتستاۆكاعا كەتۋىن تالاپ ەتتى. ال پاشينيان مۇنى «اسكەري توڭكەرىس» دەپ اتادى.

"The Qazaq Times"