پاريج سوتى فرانتسيانىڭ بۇرىنعى پرەزيدەنتى نيكوليا ساركوزيگە قاتىستى ۇكىمىن جاريالايدى. 2007 جىلدان 2012 جىلعا دەيىن فرانتسيا پرەزيدەنتى بولعان ساياساتكەرگە سىبايلاس جەمقورلىق بويىنشا ايىپ تاعىلدى.
ۇلتتىق قارجى پروكۋراتۋراسى بىلتىر جەلتوقساندا ساركوزيدى ءتورت جىلعا باس بوستاندىعىنان ايىرۋدى تالاپ ەتتى (ولاردىڭ ەكەۋى شارتتى تۇردە). پروكۋراتۋرا ءوزىنىڭ بۇرىنعى ادۆوكاتى تەرري ەرزوگ پەن كونستيتۋتسيالىق سوتتىڭ بۇرىنعى سۋدياسى گيلبەرت ازيبەرگە دە وسىنداي جازا قولدانۋدى تالاپ ەتىپ وتىر.
65 جاستاعى ساياساتكەر وزىنە قارسى تەرگەۋ تۋرالى مالىمەتتەر الۋ ءۇشىن ادۆوكاتى ارقىلى ءبىر پروكۋروردى ساتىپ الۋعا تىرىسقان. 2013 جىلى سوت ونى وسى ءىس بويىنشا اقتاپ شىعارعان. بىراق باسقا ءىستى تەكسەرۋ كەزىندە ونىڭ ادۆوكاتپەن اڭگىمەسى جازىلىپ، ەكس-پرەزيدەنتكە قارسى جاڭا ايعاقتار پايدا بولعان. ەگەر ساركوزيدىڭ كىناسى دالەلدەنسە، 10 جىلعا دەيىن باس بوستاندىعىنان ايىرىلىپ، 1 ميلليون ەۋرو ايىپپۇل تولەۋى مۇمكىن.
2017 جىلى دا نيكوليا ساركوزيدىڭ باسى داۋعا قالعان. سول جىلى ساركوزي «FIFA جەمقورلىق داۋىنىڭ بەلدى قاتىسۋشىلارىنىڭ ءبىرى» دەگەن كۇدىككە ءىلىندى. اتاپ ايتقاندا، ول 2022 جىلى الەم چەمپيوناتىن وتكىزۋ مارتەبەسىن كاتارعا جەڭىپ الۋعا كومەكتەسكەنى ءۇشىن بىرنەشە زاڭسىز قارجى وپەراتسيالارىن جاساعان. FIFA جەمقورلىق داۋىن تەكسەرۋشى توپتىڭ زەرتتەۋلەرى بويىنشا، نيكوليا ساركوزي كاتارعا پسج (پاري سەن-جەرمەن) فۋتبول كلۋبىن، Qatari Diar ينۆەستيتسيالىق كومپانياسىنا فرانتسيالىق كوممۋنالدى قىزمەت تۇرلەرىن كورسەتەتىن كومپانيانى ساتقان. بۇدان بولەك FIFA باسشىلىعى بۇعان دەيىن دە فرانتسيانىڭ ەكس-پرەزيدەنتىن جەمقورلىققا بارۋ ارقىلى كاتارعا 2022 جىلى الەم چەمپيوناتىن وتكىزۋ قۇقىعىن جەڭۋگە كومەكتەستى دەپ ايىپتاعان بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟