يەمەندەگى سوعىس. فوتو: PressTV.

اقش-تىڭ تانىمال باسىلىمى The New York Times ساۋد ارابياسىنا قارۋ-جاراق ساتۋ يەمەندەگى قىرعىنشىلىقتىڭ باستى سەبەبىنىڭ ءبىرى ەكەنىن جازدى.

اتالعان باسىلىم، قازىرگى جانە بۇرىنعى اقش لاۋازىمدىلارىنىڭ دەرەكتەرىنە سىلتەمە جاساي وتىرىپ، ساۋد ارابياسىنىڭ يەمەندەگى سوعىسىنا قۇراما شتاتتاردىڭ قولداۋ بىلدىرگەنىن ايتادى.

«يەمەندەگى اۋە شابۋىلدارىنان قازا تاپقان 5 مىڭعا جۋىق جازىقسىز تۇرعىنداردىڭ ولىمىنە اقش-تىڭ دا جاۋاپكەرشىلىگى بار»، – دەپ جازىلعان باسىلىمداعى ارنايى ماقالادا. مەشىتتەرگە، مەرەكە نەمەسە قازالى جيىنداردى نىساناعا العان اۋە شابۋىلدارىندا ساۋدا ارابياسى باسقارعان حالىقارالىق كواليتسيا كۇشتەرى اقش بومبالارىن پايدالانعان. دەگەنمەن، اقش تارابى ساۋد ارابياسى باسقارعان كواليتسيا كۇشتەرىنە نىسانالار تۋرالى ەسكەرتكەن. بىراق، دۇرىس نىسانى انىقتاۋ تۋرالى ەسكەرتۋلەر ەلەۋسىز قالعانىن ايتادى.

اتالعان ماقالادا، ساۋد ارابياسى كۇشتەرى شابۋىل جاساماۋعا ءتيىستى ورىنداردىڭ تىزىمىنە قاراماستان اۋە جانە قۇرىلىق شابۋىل ارەكەتتەرىن جۇزەگە اسىرعانىن سىنعا الادى.

“The Qazaq Times”