23 اقپان كوروناۆيرۋس جۇققان 753 ادام، ال 22 اقپان كوروناۆيرۋس پنەۆمونياسىنا شالدىققان 56 ادام تىركەلدى. قازىر ەلدە 20 مىڭنان اسا ادام (U07.1 نەمەسە كۆي+ بويىنشا 13 165, U07.2 نەمەسە كۆي- بويىنشا 7222) اۋىرىپ جاتىر.
#U07.1 كوروناۆيرۋس پتر تەستى ارقىلى تابىلعان جاڭا كەيستەردىڭ ەڭ كوبى – الماتى قالاسى (93), پاۆلودار (90), شقو (73), قوستاناي مەن استانا (ارقايسى 68-دەن), بقو (65), اقمولا (63) وڭىرلەرىندە. وتكەن تاۋلىكتە اۋرۋدان ايىققان 946 ادام ۇيىنە جىبەرىلگەن. سونداي-اق جەكسەنبىدە جيىنى 11 ادام: الماتى (3), شقو (2), وزگە قىزىلوردا، اقمولا، اقتوبە، الماتى وبلىستارى مەن شىمكەنت، استانادا ءبىر-بىردەن قايتىس بولعان.
كەيىنگى اپتادا الماتى ۆيرۋس جۇققاندار سانى جاعىنان وڭىرلەر اراسىندا العاشقى قاتارلاردان كورىندى. دەگەنمەن قالاداعى ەپيدجاعداي «جاسىل دەڭگەيدە» دەپ سانايتىن باس سانيتار دارىگەرى جانداربەك بەكشين 13 اقپان كارانتين شاراسىن جەڭىلدەدەتىن جاڭا قاۋلى شىعاردى. قۇجاتقا سايكەس، قوعامدىق تاماقتانۋ ورىندارى ءتۇن جارىمعا دەيىن، بازار-ساۋدا ورىندارى اپتا بويى، ساۋنا-باسسەين جانە ساناتوريلەرگە، ايماقتار اراسىندا قاتىنايتىن اۆتوبۋستارعا جۇمىس ىستەۋگە رۇقسات ەتىلدى.
#U07.2 دۇيسەنبى كۇنى، ياعني اقپاننىڭ 22-ءسى كوروناۆيرۋس پنەۆمونياسىنا جاتاتىن 56 ناۋقاس جانە 2 ءولىم جاعدايى تىركەلگەن.
پنەۆمونيا انىقتالعان ناۋقستاردىڭ ەڭ كوبى – جامبىل (11), الماتى (10), اقمولا (8), قوستاناي وبلىستارى مەن شىمكەنت قالاسىنان (ارقايسىندا 5-تەن), پاۆلودار مەن شقو (ارقايسىندا 4-تەن). سونىمەن قوسا، جامبىل وبلىسىندا 2 ادام كوز جۇمعان.
#جالپى ەكىنشى تولقىنداعى كۇندەلىكتى كورسەتكىش قۇبىلمالى. قاڭتار ايىنىڭ ورتاسىنان بەرى تاۋلىگىنە ۇدايى مىڭنان كەم ەمەس جانە سول شامالاس جاعداي انىقتالسا، وتكەن سەنبىدەن قايتا كەمي باستادى. ماسەلەن، كوروناۆيرۋس پەن وسىعان ۇقساس پنەۆمونيانى قوسا ەسەپتەگەندە وتكەن بەيسەنبى 946, جۇما 865, سەنبى 779 ناۋقاس انىقتالعان.
دەنمين-ءنىڭ رەسمي مالىمەتىنشە, ەمدەلىپ جاتقان 20 387 ناۋقاستىڭ 4574-ءى اۋرۋحانادا، 15 813-ءى امبۋلاتورلىق باقىلاۋدا. احۋالى ناشار 236 ناۋقاستىڭ جاعدايى قيىن، ونداعى 55 ادامنىڭ ءحالى وتە اۋىر. بۇدان وزگە 47 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
بىلتىر جەلتوقسان ايىنىڭ العاشقى جارتىسىندا 13 254, بيىلعى قاڭتار ايىنىڭ ءبىرىنشى جارتىسىندا 12 537, قالعان جارتىسىندا 21 919 ادام جانە اقپان ايىنىڭ ءدال وسى ۋاقىتىندا 16 091 ناۋقاس تىركەلگەن. جالپى 2021 جىل باستالعالى قازاقستاندا 56,5 مىڭ ادامنان اۋرۋ انىقتالعان. جىل باسىنان بەرى پاۆلودار (8,1 مىڭ), اقمولا (6,3 مىڭ) وبلىستارى، الماتى قالاسى (6,4 مىڭ) جانە استانادا (6,1 مىڭ) جاعداي ۋشىققان. ال قىزىلوردا (423), اقتوبە (596), ماڭعىستاۋ (547), تۇركىستان (616) وڭىرلەرى مەن شىمكەنت (715) قالاسىندا احۋال تۇراقتى.
ازىرگە ۆيرۋس تارالۋ قاتەرى جاعىنان بقو، اقمولا، پالودار، قوستاناي وبلىستارى مەن استانا – سارى ايماقتا تۇر.
اقپارات مينيسترلىگىنىڭ coronavirus2020.kz سايتى مەن دەنساۋلىق ساقتاۋ مينيسترلىگىنىڭ مەديا رەسۋرستارىندا جاريالانعان دەرەكتەر بىرنەشە ايدان بەرى قاتە بەرىلىپ كەلگەنى جايلى ماتەريالدار جاريالاپ، اقپارات قۇرالدارىنا ەسكەرتكەنبىز. 26 جەلتوقساننان باستاپ مينيسترلىك كەمشىلىگىن مويىنداپ، رەسمي حابارلامانىڭ فورماسىن وگەرتتى. ستاتيستيكانىڭ پنەۆمونياعا قاتىستى مەرزىمىن كورسەتىپ جاريالاۋعا كوشتى. ال بۇگىننەن باستاپ ەكى دياگنوز بويىنشا دا قايتىس بولعانداردىڭ ءار كۇنگى ەسەبى بەرۋدى كەش تە بولسىن قولعا الدى. كەمشىلىگى سول – دەرتتەن كوز جۇمعانداردىڭ مەرزىمىندە قايشىلىق بار.
(!) پاندەميا مودەراتورى – مينيسترلىك تەك سەنبى-جەكسەنبىدە عانا ەمەس، مەرەكە كۇندەرى دە ستاتيستيكانى تولىقتاي جۇرگىزۋگە قاۋقارسىز. ماسەلەن، جەلتوقسان ايىنىڭ 1, 16, 17, 18-ءى جانە 19-ىنا، 1-4, 7 قاڭتارعا تيەسىلى دەرەكتەر ەسەلەپ كەمىگەن. كۇزدىڭ ورتاسىندا سول كەزدەگى دەنمين-ءنىڭ رەسمي-ەرىكتى وكىلى باعدات قوجاحمەتوۆ ەكىنشى تولقىندا دەمالىس كۇنىنە قاراماستان ستاتيستيكانى تولىق كولەمدە جۇرگىزۋگە ۋادە بەرگەن ەدى. بىراق ءىس جۇزىندە ولاي بولماي شىقتى.
The Qazaq Times رەداكتسياسى تومەندەگى كەستەنى رەسمي مالىمەتتىڭ رەتتەلگەن نۇسقاسى دەپ سانايدى.
وسى قىستىڭ باسىندا باس مەملەكەتتىك سانيتار-دارىگەر ەرلان قياسوۆ قازاقستاندا كەزەكتى تولقىنىنىڭ شارىقتاۋ كەزەڭى قاڭتار-اقپان ايلارىنا، ال مينيستر الەكسەي تسوي ناۋرىز ايىنىڭ سوڭىنا قاراي تۇسپا-تۇس كەلەتىنىن مالىمدەگەن.
13 ناۋرىزدان بەرى COVID-19 ينفەكتسياسىن جۇقتىرعاندار قاتارى 209,5 مىڭنان، 1 تامىزدان بەرگى كوروناۆيرۋس پنەۆمونياسى 49 مىڭنان اسقان. ددسۇ مالىمەتىنشە، قازاقستاندا اۋىرعانداردىڭ سانى 258 مىڭعا، ال ۇلتتىق ستاتيستيكادا 258,5 مىڭعا جەتكەن. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. وسى ۋاقىتقا دەيىن كۆي+ دياگنوزى بويىنشا جاڭا انىقتالعان ناۋقاستار ايماقتارداعى كورسەتكىشى كۇندەلىكتى، ال كۆي- دەرەگى تەك جيىنتىق ماندە بەرىلىپ كەلگەن. QT بىرنەشە اي بويى مينيسترلىككە وسى ماسەلەنى كوتەرىپ، ونداعان سۇراۋ جولداعان. اقپاننىڭ 3-ىنەن عانا كوروناۆيرۋس پنەۆمونياسىنىڭ كۇن سايىنعى ايماقتىق ەسەبى جاريالانا باستادى.
پاندەميا باستالعالى جالپى ۆيرۋس جۇققانداردىڭ 4394-ءى (كۆي+ / U07.1 – 2718, كۆي- / U07.2 – 615, ىلەسپە اۋرۋلاردان – 1061) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 1061 ادامدى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
قازاقستان ۆيرۋس تارالۋى بويىنشا الەمدە Worldometers دەرەكقورى، دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 50-ورىندا تۇر.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى