دەنمين ستاتيستيكانى تولىقتىردى: اۋىرعاندار قايتا كوبەيدى

17 اقپان كوروناۆيرۋس جۇققان 869 ادام، ال 16 اقپان كوروناۆيرۋس پنەۆمونياسىنا شالدىققان 61 ادام تىركەلدى. قازىر ەلدە 22 مىڭعا تارتا ادام (U07.1 نەمەسە كۆي+ بويىنشا 13 644, U07.2 نەمەسە كۆي- بويىنشا 8350) اۋىرىپ جاتىر. 

#U07.1 كوروناۆيرۋس پتر تەستى ارقىلى تابىلعان جاڭا كەيستەردىڭ ەڭ كوبى – پاۆلودار (114), استانا مەن الماتىدا (ارقايسىندا 105-تەن), بقو (84), اقمولا (72), شقو (71), قوستاناي (69) وڭىرلەرىندە. وتكەن تاۋلىكتە اۋرۋدان ايىققان 1061 ادام ۇيىنە جىبەرىلگەن. سونداي-اق سەيسەنبىدە جيىنى 10 ادام: قاراعاندى، قىزىلوردا، استانادا 2-دەن جانە اقتوبە، پاۆلودار، الماتى وبلىسى مەن قالاسىنان ارقايسىندا ءبىر-بىردەن قايتىس بولعان.

كەيىنگى اپتادا الماتىدا ۆيرۋس جۇققاندار سانى ەلدەگى وڭىرلەر اراسىندا العاشقى قاتارلاردان كورىندى. دەگەنمەن قالاداعى ەپيدجاعداي «جاسىل دەڭگەيدە» دەپ سانايتىن باس سانيتار دارىگەرى جانداربەك بەكشين 13 اقپان كارانتين شاراسىن جەڭىلدەدەتىن جاڭا قاۋلى شىعاردى. قۇجاتقا سايكەس، قوعامدىق تاماقتانۋ ورىندارى ءتۇن جارىمعا دەيىن، بازار-ساۋدا ورىندارى اپتا بويى، ساۋنا-باسسەين جانە ساناتوريلەرگە، ايماقتار اراسىندا قاتىنايتىن اۆتوبۋستارعا جۇمىس ىستەۋگە رۇقسات ەتىلدى.

#U07.2  سەيسەنبى كۇنى، ياعني اقپاننىڭ 16-سى كوروناۆيرۋس پنەۆمونياسىنا جاتاتىن 61 ناۋقاس تىركەلگەن.

پنەۆمونيا انىقتالعان ناۋقستاردىڭ ەڭ كوبى – جامبىل (15), قاراعاندى جانە الماتى (ارقايسىندا 6-دان), اقمولا مەن شىمكەنت (ارقايسىندا 5-تەن), اتىراۋ (4) وبلىس-قالالارىنا تيەسىلى. اقپاراتى ءبىر تاۋلىككە كەشىگىپ بەرىلەتىن پنەۆمونيادان ايىققاندار سانى 160-قا ارتتى.

#جالپى  ەكىنشى تولقىنداعى كۇندەلىكتى كورسەتكىش قۇبىلمالى. قاڭتار ايىنىڭ ورتاسىنان بەرى تاۋلىگىنە ۇدايى مىڭنان كەم ەمەس جانە سول شامالاس جاعداي انىقتالسا، وتكەن سەنبىدەن قايتا كەمي باستادى. ماسەلەن، كوروناۆيرۋس پەن وسىعان ۇقساس پنەۆمونيانى قوسا ەسەپتەگەندە وتكەن سەنبى 856, جەكسەنبى 778, دۇيسەنبى 752, سەيسەنبى 857 ناۋقاس انىقتالعان.

دەنمين-ءنىڭ رەسمي مالىمەتىنشە, ەمدەلىپ جاتقان 21 994 ناۋقاستىڭ 4900-ءى اۋرۋحانادا، 17 094-ءى امبۋلاتورلىق باقىلاۋدا. احۋالى ناشار 255 ناۋقاستىڭ جاعدايى قيىن، ونداعى 40 ادامنىڭ ءحالى وتە اۋىر. بۇدان وزگە 40 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.

بىلتىر جەلتوقسان ايىنىڭ العاشقى جارتىسىندا 13 254, بيىلعى قاڭتار ايىنىڭ ءبىرىنشى جارتىسىندا 12 537, قالعان جارتىسىندا 21 919 ادام  جانە اقپان ايىنىڭ ءدال وسى ۋاقىتىندا 16 091 ناۋقاس تىركەلگەن. جالپى 2021 جىل باستالعالى قازاقستاندا 51,5 مىڭ ادامنان اۋرۋ انىقتالعان. ءبىر جارىم ايدا پاۆلودار (7,4 مىڭ), اقمولا (5,7 مىڭ) وبلىستارى، الماتى قالاسى (5,7 مىڭ)  جانە استانادا (5,5 مىڭ) جاعداي ۋشىققان. ال قىزىلوردا (352), اقتوبە (518), ماڭعىستاۋ (509), تۇركىستان (585) وڭىرلەرى مەن شىمكەنت (660) قالاسىندا احۋال تۇراقتى.

ازىرگە ۆيرۋس تارالۋ قاتەرى جاعىنان پاۆلودار وبلىسى – قىزىل; بقو، سقو، اقمولا، قوستاناي وبلىستارى مەن استانا – سارى ايماقتا تۇر.

اقپارات مينيسترلىگىنىڭ coronavirus2020.kz سايتى مەن دەنساۋلىق ساقتاۋ مينيسترلىگىنىڭ مەديا رەسۋرستارىندا جاريالانعان دەرەكتەر بىرنەشە ايدان بەرى قاتە بەرىلىپ كەلگەنى جايلى ماتەريالدار جاريالاپ، اقپارات قۇرالدارىنا ەسكەرتكەنبىز. 26 جەلتوقساننان باستاپ مينيسترلىك كەمشىلىگىن مويىنداپ، رەسمي حابارلامانىڭ فورماسىن وگەرتتى. ستاتيستيكانىڭ پنەۆمونياعا قاتىستى مەرزىمىن كورسەتىپ جاريالاۋعا كوشتى. ال بۇگىننەن باستاپ ەكى دياگنوز بويىنشا دا قايتىس بولعانداردىڭ ءار كۇنگى ەسەبى بەرۋدى كەش تە بولسىن قولعا الدى. كەمشىلىگى سول – دەرتتەن كوز جۇمعانداردىڭ مەرزىمىندە قايشىلىق بار.

شىن مانىندە، 10 ادام 17 اقپان قايتقان بولسا كەرەك.

(!) پاندەميا مودەراتورى – مينيسترلىك تەك سەنبى-جەكسەنبىدە عانا ەمەس، مەرەكە كۇندەرى دە ستاتيستيكانى تولىقتاي جۇرگىزۋگە قاۋقارسىز. ماسەلەن، جەلتوقسان ايىنىڭ 1, 16, 17, 18-ءى جانە 19-ىنا، 1-4, 7 قاڭتارعا تيەسىلى دەرەكتەر ەسەلەپ كەمىگەن. كۇزدىڭ ورتاسىندا سول كەزدەگى دەنمين-ءنىڭ رەسمي-ەرىكتى وكىلى باعدات قوجاحمەتوۆ ەكىنشى تولقىندا دەمالىس كۇنىنە قاراماستان ستاتيستيكانى تولىق كولەمدە جۇرگىزۋگە ۋادە بەرگەن ەدى. بىراق ءىس جۇزىندە ولاي بولماي شىقتى. 

The Qazaq Times رەداكتسياسى تومەندەگى كەستەنى رەسمي مالىمەتتىڭ رەتتەلگەن نۇسقاسى دەپ سانايدى.

وسى قىستىڭ باسىندا باس مەملەكەتتىك سانيتار-دارىگەر ەرلان قياسوۆ قازاقستاندا كەزەكتى تولقىنىنىڭ شارىقتاۋ كەزەڭى قاڭتار-اقپان ايلارىنا، ال مينيستر الەكسەي تسوي ناۋرىز ايىنىڭ سوڭىنا قاراي تۇسپا-تۇس كەلەتىنىن مالىمدەگەن.

13 ناۋرىزدان بەرى COVID-19 ينفەكتسياسىن جۇقتىرعاندار قاتارى 205 مىڭعا، 1 تامىزدان بەرگى كوروناۆيرۋس پنەۆمونياسى 49 مىڭعا جۋىقتاعان. ددسۇ مالىمەتىنشە، قازاقستاندا اۋىرعانداردىڭ سانى 252 مىڭعا، ال ۇلتتىق ستاتيستيكادا 254 مىڭعا جاقىنداعان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. وسى ۋاقىتقا دەيىن كۆي+ دياگنوزى بويىنشا جاڭا انىقتالعان ناۋقاستار ايماقتارداعى كورسەتكىشى كۇندەلىكتى، ال كۆي- دەرەگى تەك جيىنتىق ماندە بەرىلىپ كەلگەن. QT بىرنەشە اي بويى مينيسترلىككە وسى ماسەلەنى كوتەرىپ، ونداعان سۇراۋ جولداعان. اقپاننىڭ 3-ىنەن عانا كوروناۆيرۋس پنەۆمونياسىنىڭ كۇن سايىنعى ايماقتىق ەسەبى جاريالانا باستادى.

پاندەميا باستالعالى جالپى ۆيرۋس جۇققانداردىڭ 4339-ى (كۆي+ / U07.1 – 274, كۆي- / U07.2 – 604, ىلەسپە اۋرۋلاردان – 1061) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 1061 ادامدى جالپى ستاتيستيكاعا ەنگىزبەيدى. بۇعان قارسى ساراپشىلاردىڭ سوزىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.

قازاقستان ۆيرۋس تارالۋى بويىنشا الەمدە Worldometers دەرەكقورى، دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 50-ورىندا تۇر.

"The Qazaq Times"