Apple كورپوراتسياسى فوتو: tehnot.com

Apple كورپوراتسياسىنىڭ نەگىزىن سالۋشى ستيۆ دجوبس iPhone-دى العاش 2007 جىلى تانىستىرعان بولاتىن. سول كەزدەن بەرى تەلەفوندار كولەمى مەن ديزاينىنان باستاپ قوسىماشالارىن، retina ديسپلەيىن، Siri جانە باسقا دا مۇمكىندىكتەرىن بىرنەشە مارتە وزگەرتىپ، دامىتقان  بولاتىن. سونىمەن قاتار، تەلەفوندار سۋ وتكىزبەيتىن دەڭگەيگە جەتىپ، قۇلاقشىندارىنىڭ سىمدارىن دا جوعالىپ كەتتى. ەندى وتكەن شاققا ءبىر ساياحات جاساپ، نازارلارىڭىزعا iPhone-نىڭ 10 جىل ىشىندەگى ەۆوليۋتسياسىن ۇسىنامىز. 

2007 جىل

ستيۆ دجوبس
فوتو: AFP 2016, Josh Edelson

Apple كورپوراتسياسى ءوزىنىڭ العاشقى تەلەفوندارىن جارىققا شىعاردى. 10 جىل بۇرىنعى  iPhone-دا  App Store, 3G جانە كوشىرىپ-قويۋ فۋنكتسيالارى دا بولماعان ەكەن.

2008 جىل

فوتو: AP Photo, Paul Sakuma

iPhone بارلىق باسەكەلەستەرىن قۋىپ جەتىپ، 3G ينتەرنەتتى ىسكە قوستى. 3G  مەن قوسا App Store دا پايدا بولدى. بۇل جىلى قارا جانە اق ءتۇستى بولىپ شىعارىلىپ تۇردى. بىراق ءالى دە كوشىرىپ-قويۋ فۋنكتسياسى بولماعان.

2009 جىل

فوتو: AP Photo, Paul Sakuma

S-نۇسقاسىنىڭ ەڭ العاشقىلارى بولىپ  iPhone 3GS تەلەفوندارى شىعارىلا باستادى. تەك ءۇشىنشى جىلى كوشىرىپ-قويۋ فۋنكتسياسى ەنگىزىلىپ، App store-داعى ويىنداردىڭ ساۋداسى جاقسى جۇرە باستايدى.

2010 جىل

فوتو: AP Photo, Alan Diaz

iPhone 4 ايتارلىقتاي جاڭالىقتارىمەن نارىقتى جاۋلاپ الدى. سىرتقى انتەننا، جەتىلدىرىلگەن كامەرا، سەلفي-كامەرا، تىك-ءتورتبۇرىش ديزاين، قالىڭ retina ەكراندارى، بەينەنىڭ انىقتىعى جانە باسقا دا جاڭالىقتارىمەن قولدانۋشىلاردى قۋانتقان بولاتىن. بىراق كەيىننەن سىرتقى انتەننالارىنان اقاۋ شىققان ەدى.

2011 جىل

فوتو: AFP 2016, Mandy Cheng

iPhone 4S - iPhone 4-ءتىڭ جاڭارتىلعان نۇسقاسى بولاتىن. انتەننا ديزاينى مەن حابار قابىلداعىشتارىنداعى قاتەلىكتەر تۇزەتىلىپ، ەداۋىر جىلدام ءارى وڭاي اقپارات الۋعا مۇمكىندىك تۋدى. وسى جىلعى تەلەفوندارعا داۋىس ارقىلى باسقارىلاتىن جاساندى ينتەللەكت قىزمەتى دە قوسىلدى.

2012 جىل

فوتو: AFP 2016, Mandy Cheng

Samsung پەن نتس كومپانيالارىمەن باسەكەلەستىككە توتەپ بەرىپ، iPhone 5 سماتفوندارىنىڭ ەكراندارىنىڭ كولەمىن 4 ديۋمگە دەيىن ۇلكەيتتى. جانە دە قۋاتتاعىشتارىن كەز-كەلگەن بەتىنەن قولدانۋعا مۇمكىندىك بەرەتىن جاڭالىعىمەن ەستە قالدى.

2013 جىل

فوتو: AP Photo, Ng Han Guan, File

iPhone 5S - iPhone 5-ءتىڭ جىلدام جۇمىس ىستەيتىن  نۇسقاسى بولاتىن. ونىڭ تاعى ءبىر ەرەكشەلىگى - ID سكانەر.

وسى جىلى Apple كورپوراتسياسىنىڭ تاريحىندا العاش رەت ەكىنشى جاڭا  iPhone: iPhone 5C نارىققا شىقتى. ديزاينى اشىق، قانىق تۇستەرگە بويالعان تەلەفوندار  iPhone 5S-ءتىڭ قولجەتىمدى نۇسقاسى رەتىندە شىعارىلا باستادى.

فوتو: AFP 2016, Glenn Chapman

2014 جىل

فوتو: AFP 2016, Yoshikazu Tsuno

ۆ iPhone 6 گادجەتتەرىنىڭ ديزاينى ايتارلىقتاي وزگەردى. كولەمى مەن ەكرانى (4,7 ديۋمگە دەيىن) ۇلكەيىپ، ءپىشىنى ءسال دومالانعان ءارى مەتالل جابىنمەن قاپتالدى.

بۇل جىل دا كورپوراتسيا ءۇشىن تاعى ءبىر جاڭالىق الىپ كەلدى - iPhone 6 Plus. iOS قولدانۋشىلارى ءۇشىن 5,5 ديۋم ەكرانى مەن وپتيكالىق تۇراقتاندىرعىشى بار جەتىلدىرىلگەن كامەراسىمەن شىعارىلدى.

فوتو: AP Photo, Shizuo Kambayashi

2015 جىل

فوتو: AP Photo, Eric Risberg

ەكراندى باسقان كەزدەگى كۇشتى باقىلايتىن 3D Touch تەحنالوگياسىمەن جابدىقتالعان  iPhone 6-نىڭ S-جەتىلدىرىلگەن نۇسقاسىنا Taptic Engine ديسكىسى  ورناتىلدى.  جانە ديزاينىنا وزگەرىستەر ەنگىزىلىپ، كۇلگىن نۇسقالارى دا شىعارىلا باستادى.

iPhone 6S Plus سەرياسىندا دا 3D Touch بولدى. سونىمەن قاتار بۇل تەلەفوندار ايفوننىڭ تاريحىنداعى قۋاتتى ەڭ ۇزاق ساقتايتىنداردىڭ ءبىرى بولىپ تابىلادى.

فوتو: AP Photo, Eric Risberg

2016 جىل

فوتو: AP Photo, Eugene Hoshiko

بۇل جىلى كورپوراتسيا  iPhone 7-ءنى شىعارعانىنان بولەك ەرەكشە جاڭالىعىمەن كوزگە ءتۇستى. Apple iPhone 5S-ءتى  iPhone SE دەگەن اتاۋمەن ساتا باستادى. ەكرانىنىڭ دياگونالى 4 جانە كورپۋسى 5S بولا تۇرا، iPhone 6-دان Touch ID مەن iPhone 6S-ءتىڭ كامەراسى جانە پروتسەسسورىمەن جابدىقتالعان ەسكى تەلەفوننىڭ جەتىلدىرىلگەن نۇسقاسى رەتىندە شىعارىلدى.

فوتو: AP Photo, Marcio Jose Sanchez

iPhone 7 - جاڭا گادجەتتەردىڭ تاريحىنداعى سىمسىز قۇلاقشىنىمەن جانە سۋ وتكىزبەيتىن ديسپلەيىمەن ەرەكشەلەنەدى. ال كامەراسى سوڭعى ۇلگىدەگى فوتواپپاراتتاردان  ەش قالىسپايدى.

فوتو: AFP 2016, Josh Edelson

وزىنەن ءسال كىشكەنە تۋىسقانىنان iPhone 7 Plus ديزاينى جاعىنان اسا قاتتى ەرەكشەلەنبەيدى. ارتقى پانەلىندە ەكى ەسەلەنگەن وپتيكالىق زۋمى بار ەكى  كامەراسى بار.

“The Qazaq Times”