الەمدىك بەدەلدى باسىلىم The Lancet رەسەيدىڭ «سپۋتنيك-V» كوروناۆيرۋسقا قارسى ۆاكتسيناسىنىڭ ءۇشىنشى كلينيكالىق سىناق كەزەڭىنىڭ ناتيجەلەرىن جاريا ەتىپ، ونىمدىلىگىن 92 پايىز دەپ كورسەتتى. مەديتسينا سالاسىنداعى ىقپالدى باسىلىم رەسەيلىك ۆاكتسينانى قاۋىپسىز جانە كوروناۆيرۋسقا قارسى ناتيجەلى دەپ قورىتىندىلاپتى.
رەسەي «سپۋتنيك-V» ۆاكتسيناسىن تولىق كلينيكالىق سىناقتان وتكىزبەي جاتىپ جاپپاي ۆاكتسينالاۋعا رۇقسات ەتكەن بولاتىن. ماسكەۋدىڭ بۇل قادامى ەل ىشىندە دە، الەم ەلدەرى اراسىندا دا پىكىرتالاسقا جول اشىپ ەدى. دەگەنمەن، The Lancet باسىلىمى مامانداردىڭ زەرتتەۋ ناتيجەسىن العا تارتا وتىرىپ «سپۋتنيك-V»-ءتىڭ ونىمدىلىگىن، قاۋىپسىزدىگى Pfizer, Oxford / AstraZeneca, Moderna جانە Janssen قاتارلى كوروناۆيرۋسقا قارسى ۆاكتسينالاردىڭ قاتارىنا قويۋعا بولادى دەپ تۇراقتاندىرعان.
مامانداردىڭ پىكىرىنشە «سپۋتنيك-V» ۆاكتسيناسى كوروناۆيرۋسقا قارسى جۇمىس ىستەۋى بريتانيادا شىعارىلعان Oxford/AstraZeneca مەن بەلگيادا جاسالعان Janssen ۆاكتسيناسىنا ۇقساس. ياعني، جەڭىلدەتىلگەن ساسىق تىماۋ ۆيرۋسى ارقىلى كوروناۆيرۋستىڭ ءبىر بولىگىن ادامنىڭ يمۋندىق جۇيەسىنە جەتكىزەدى. سونىڭ ناتيجەسىندە ادامنىڭ يمۋندىق جۇيەسى كوروناۆيرۋسقا قارسى كۇرەسۋگە قابىلەتتە بولماق.
قازاقستاندا اتالعان رەسميلىك ۆاكتسينا 1 اقپاننان باستاپ سالىنا باستادى. دەگەنمەن، «سپۋتنيك-V» تۋراسىندا ازاماتتاردىڭ پىكىرى ءارتۇرلى.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟