يسپانيادا كوروناۆيرۋستىڭ ءۇشىنشى تولقىنى باستالىپ، جان ساقتاۋ بولىمىندەگى ناۋقاستاردىڭ 40%-ى وسى دەرتپەن كۇرەسىپ جاتىر.

كارانتين تالاپتارى قاتاڭداتىلعان يسپانيانىڭ وپتەگەن قالاسىندا ىندەتكە قاتسى شەكتەۋلەر كۇشەيتىلدى. ماسەلەن، ۆالەنسيادا وتباسىنان وزگە ادامدارمەن كەزدەسۋگە رۇقسات جوق. ال ەل استاناسى – مادريدتە كومەندانتتىق ساعات جاريالانىپ، تۇندە ۇيدەن شىعۋعا تىيىم سالىندى.

جاپپاي ۆاكتسيناتسيالاۋ باستالعان ەلدەر «COVID-تولقۇجات» ەنگىزۋ ماسەلەسىن تالقىعا العان. ۆاكتسينا قابىلدادى دەگەن قۇجاتتى ەنگىزۋگە دۇنيەجۇزىلىك دەنساۋلىق ساقتاۋ ۇيىمى قارسىلىق بىلدىرگەنمەن، ەۋرووداق ەلدەرى مەن رەسەي بۇل ماسەلەنى قاراستىرىپ جاتىر.

ماسەلەن، يسپانيا بيلىگى باستامانى قولدايتىنىن جەتكىزدى. ويتكەنى ەل ەكونوميكاسى تۋريزمگە تاۋەلدى. بىلتىر يسپانيانىڭ ساياحات سالاسى سوڭعى جارتى عاسىرداعى ەڭ اۋىر جىلعا تاپ بولدى. پيرەنەي تۇبەگىنە كەلگەن شەتەلدىك ساياحاتشىلار سانى 80%-عا ازايعان.

گرەكيا بيلىگى دە وسىنداي سەرتيفيكات ەنگىزۋ باستاماسىن قولداپ وتىر. سەبەبى ەللادا ەلىندە دە ءتۋريزمنىڭ ەكونوميكاداعى ۇلەسى جوعارى. قولداۋشىلار قاتارىندا پولشا مەن دانيا دا بار. ەۋرووداقتاعى فرانتسيا مەن رۋمىنيا بيلىگى كەرىسىنشە، بۇل يدەيانى قۇپتامايتىندارىن ايتقان.

اتالعان قۇجات ۆاكتسيناتسيالاۋ تۋرالى انىقتامانى الماستىرادى. قولىندا ءتيىستى قۇجاتى بار ادامنىڭ شەتەلگە شىعۋى جەڭىلدەپ، وزگە ەلدەن ورالعاندا كارانتيندە وتىرمايدى.

"The Qazaq Times"