قىرعىزستان ۇكىمەتى وتستاۆكاعا كەتتى

قىرعىزستان ۇكىمەتى وتستاۆكاعا كەتتى. سايلاۋدا جەڭىسكە جەتكەن سادىر جاپاروۆ پرەمەر-مينيستر قىزمەتىن تاپسىردى.

مالىمەتتەر بليىنشا، جاپاروۆتىڭ ۇلىقتاۋ ءراسىمى 28 قاڭتاردا وتەدى. ورتالىق سايلاۋ كوميسسياسىنىڭ قاۋلىسىنا سايكەس، ەندى سادىر جاپاروۆقا پرەزيدەنت رەتىندە تاعايىندالعانى تۋرالى ارنايى كۋالىك بەرىپ، توسبەلگى مەن شتاندارت تابىستايدى.

5-6 قازانداعى وقيعالاردان كەيىن قىرعىزستاندا جاڭا ۇكىمەت جاساقتالىپ، وعان سادىر جاپاروۆ جەتەكشىلىك ەتىپ كەلدى. دەگەنمەن ول پرەزيدەنتتىك سايلاۋدا جەڭىسكە جەتكەندىكتەن، ونىڭ وكىلەتى توقتاتىلدى.

بيىل 10 قاڭتاردا قىرعىزستاندا مەرزىمىنەن بۇرىن پرەزيدەنت سايلاۋى مەن رەفەرەندۋم ءوتتى. سول كۇنى ازاماتتار پرەزيدەنتتىك باسقارۋ فورماسىن تاڭدادى. مەملەكەت باسشىسى لاۋازىمىنا 17 ۇمىتكەر بولدى. وسك اقپارات بويىنشا، دەرەكتەردى وڭدەگەننەن كەيىن سادىر جاپاروۆ ۋچاسكەلەردىڭ 79%-دان استام داۋىس جينادى. سايلاۋشىلاردىڭ 80%-دان استامى پرەزيدەنتتىك باسقارۋدى قولدادى.

قىرعىزستاندا پرەزيدەنت التى جىلعا ءبىر-اق مەرزىمگە سايلانادى. الايدا بۇرىنعى پرەزيدەنت سوورونباي جەەنبەكوۆ قازانداعى حالىق تولقۋىنان كەيىن بيلىكتەن ەرتە كەتۋگە ءماجبۇر بولدى. ءۇش جىلعا تاياۋ پرەزيدەنت بولعان ونىڭ تاعى دا ءۇش جىلدان اسا مەرزىمى قالعان ەدى. پارلامەنتتىك سايلاۋدان كەيىن بولعان قاقتىعىستار كەزىندە 11,5 جىلعا سوتتالعان جاپاروۆ تۇرمەدەن بوساتىلعان. كەيىننەن ول كۇتپەگەن جەردەن نارازىلىق اكتسيالارىنىڭ جەتەكشىسى، سودان كەيىن پرەمەر-مينيستر جانە پرەزيدەنتتىڭ مىندەتىن اتقارۋشى بولدى.

"The Qazaq Times"