شۆەيتساريا الماتىنىڭ ەكس-اكىمى ۆيكتور حراپۋنوۆ پەن ونىڭ ايەلى لەيلا حراپۋنوۆا ساياسي بوسقىن رەتىندە باسپانا بەردى.
«2020 جىلدىڭ 29 جەلتوقسانىندا شۆەيتساريانىڭ فەدەرالدى اكىمشىلىك سوتى بىزگە – ۆيكتور حراپۋنوۆ پەن لەيلا حراپۋنوۆاعا شۆەيتساريادان ساياسي باسپانا بەرۋ تۋرالى اقىرعى شەشىمىن شىعارعانىن قۋانا حابارلايمىن», – دەپ جازدى پاراقشاسىندا ول.
مۇنى 7 قاڭتار كۇنى شۆەيتساريا فەدەرالدىق اكىمشىلىك سوتى راستاپ، حابارلاما تاراتتى. سوتتىڭ رەسمي حابارلاماسىندا «ەگەر ەرلى-زايىپتىلار ەلىنە قايتارىلسا، ول جاقتا ادىلەتسىز سوتقا تارتىلۋى مۇمكىن» دەگەن قاۋپىن بىلدىرگەن.
بۇعان دەيىن شۆەد سوتى حراپۋنوۆ جانۇياسىنىڭ ءوتىنىشىن بىرنەشە رەت قاناعاتتاندىرماعان. ماسەلەن، 2014 جىلى فەدەرالدى اكىمشىلىك سوت حراپۋنوۆتى قازاقستانعا ەكستراداتسيالاۋدان قۇتقارىپ، بوسقىن قۇقىعىن قورعاعان. ال 2018 جىلى قازاقستاننىڭ قۇقىقتىق ءوزارا كومەك تۋرالى ءوتىنىشىن كەرى قايتارىپ، 2019 جىلى جەنەۆا پروكۋراتۋراسى حراپۋنوۆتىڭ اتىنا اشىلعان قىلمىستىق ءىستىڭ ءبارىن جاۋىپ، اقتاعان. ەندى ساياسي باسپانا بەرمەك.
ال جەنەۆا پروكۋرورىنىڭ ءباسپاسوز حاتشىسى مارك كوميننىڭ ايتۋىنشا، شۆەيتساريا بيلىگى حراپۋنوۆتىڭ ساياسي تۇرعىدان قۋدالاۋعا ۇشىراعانىن رەسمي تۇردە مالىمدەدى ءارى ونىڭ قۇقىعىن قورعاۋ قازاقستانداعى ديكتاتۋرا رەجىمىمەن كۇرەسۋدىڭ بەلگىسى دەپ تانىعان.
ۆيكتور حراپۋنوۆ شىعىس قازاقستان وبلىسى مەن الماتى قالاسىنىڭ اكىمى، ەنەرگەتيكا ءمينيسترى، توتەنشە جاعداي ۆيتسە-ءمينيسترى لاۋازىمىندا قىزمەت اتقارعان. وعان الماتى قالاسىنىڭ اكىمى بولىپ تۇرعان تۇستا بيۋدجەت اقشاسىن جىمقىردى دەپ ايىپ تاعىلعان ەدى. 2018 جىلى قازاقستان سوتى ونى 17 جىل، نىڭ ايەلى لەيلا حراپۋنوۆانى 14 جىلعا سىرتتاي سوتتاعان. سوت ماتەريالدارىنا سايكەس، ولاردىڭ «قىلمىستىق ارەكەتىنەن مەملەكەتكە 250 ميلليون دوللار كولەمىندە شىعىن كەلگەن». حراپۋنوۆتار بۇل ايىپتاردى جوققا شىعارىپ، قىلمىستىق ىستەردىڭ ساياسيلانعانىن حابارلاعان.
ادىلەت مينيسترلىگىنىڭ حابارلاۋىنشا, حراپۋنوۆ 300 ملن اقش دوللارىن جىمقىرىپ، شۆەيتساريا مەن اقش-تان وفشور شوتتارى ارقىلى جىلجىمايتىن مۇلىك ساتىپ العان.
قازاقستان بيلىگىنىڭ قۋعىنىنداعى ۆيكتور حراپۋنوۆ پەن مۇحتار ءابليازوۆ ءبىر-بىرىنە قۇدا، تۋىستىق قاتىناسى بار. حراپۋنوۆتىڭ ۇلى ءىلياس ءابليازوۆتىڭ قىزى مادينامەن نەكەلەسكەن. ال مۇحتار ءابليازوۆ بىلتىر فرانتسيادان ساياسي باسپانا العان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى