باس پروكۋرور ەۋروپارلامەنت وكىلدەرىنە ءابىليازوۆ پەن حراپۋنوۆ جايىندا ايتتى

قايرات قوجامجاروۆ ەۋروپارلامەنت وكىلدەرىمەن كەزدەستى.

مامىر ايىنىڭ 11-ءى كۇنى باس پروكۋرور قايرات قوجامجاروۆ «قازاقستان – ەۋروپالىق وداق» پارلامەنتتىك ىنتىماقتاستىق كوميتەتىنىڭ تەڭ توراعاسى يۆەتا گريگۋلە باستاعان ەۋروپارلامەنت دەپۋتاتتارىمەن كەزدەستى. كەزدەسۋ بارىسىندا قوجامجاروۆ مىرزا «قازاقستاننىڭ سوت تورەلىگىنەن جاسىرىنىپ جۇرگەن» ەكس-بانكير، وپپوزيتسيالىق ساياساتكەر مۇحتار ءابىليازوۆ، ەكس-اكىم ۆيتور حراپۋنوۆ، اعايىندى بەرگەي جانە امانجان رىسقاليەۆتەردىڭ قىلىستىق ءىس-ارەكەتتەرى جونىندە بايانداما جاساعان.

ءوز كەزەگىندە يۆەتا گريگۋلە باس پروكۋراتۋرا – قۇقىقتىق مەملەكەتتىڭ ءتۇپ قازىعى ەكەندىگىن ايتىپ، وعان ازاماتتاردىڭ قۇقىقتارىن ساقتاۋ مەن قورعاۋدا بار جاۋاپكەرشىلىك ارتىلعاندىعىن جەتكىزگەن.

ەستەرىڭىزگە سالايىق، مامىر ايىنىڭ 10-ى كۇنى مۇحتار ءابىليازوۆتىڭ باسقارۋىنداعى دۆك پارتياسىنىڭ ۇيىمداستىرۋىمەن رەسپۋبليكا بويىنشا نارازىلىق شەرۋى وتكەن. شەرۋگە قاتىسۋشىلار بيلىكتەن ساياسي تۇتقىنداردى بوساتۋدى تالاپ ەتكەن.

“The Qazaq Times”