اقش-تا رەسپۋبليكالىقتار مەن دەموكراتتاردىڭ كونگرەستەگى ورىندار ءۇشىن كۇرەسى جالعاسىپ جاتىر. بۇگىن دجوردجيا شتاتىندا اياقتالاتىن سايلاۋ قورىتىندىسى اقش سەناتىن باقىلاۋ ءۇشىن شەشۋشى قورىتىندى بولماق.
سەبەبى دجوردجيا شتاتىندا ءوتىپ جاتقان سايلاۋدىڭ قورىتىندىسى بويىنشا سەناتتىڭ قاي پارتياعا بۇيىراتىنى انىقتالادى. ازىرگە جوعارى پالاتاداعى 100 ورىننىڭ 48-ءى دەموكراتتاردىڭ ەنشىسىندە بولسا، 50-ءى رەسپۋبليكالىقتاردا.
سەناتتا دەموكراتتىق پارتيانىڭ باسىمدىققا يە بولۋى ءۇشىن كەم دەگەندە ەكى داۋىستى الۋى ءتيىس. ەگەر دەموكراتتار جەڭىسكە جەتسە، ەلدىڭ كەلەسى ۆيتسە-پرەزيدەنتى كامالا حاريس قوسىمشا داۋىسىمەن دەموكراتتارعا باسىمدىق بەرە الادى. ال رەسپۋبليكاندىقتار ءبىر داۋىسپەن-اق جەڭىسكە جەتە الادى. ەگەر سەنات رەسپۋبليكالىقتاردىڭ ەنشىسىندە كەتسە، بايدەن اكىمشىلىگىنىڭ ۋادە ەتكەن باعدارلامالارىن جۇزەگە اسىرۋدا قيىندىقتار تۋىنداۋى مۇمكىن.
سارسەنبى كۇنى تاڭەرتەڭ دجوردجيانىڭ 159 وكرۋگىندە 98% داۋىس ەسەپتەلگەن. داۋىس بەرۋدىڭ رەسمي ناتيجەلەرى بۇگىن بەلگىلى بولماق. ەكزيت-پول دجوردجيا سايلاۋشىلارىنىڭ شامامەن 49%-ى رەسپۋبليكاشىلاردى، ال 48%-ى دەموكراتتارعا داۋىس بەرەدى دەگەن بولجام جاسادى.
قازىرگى رەسپۋبليكالىق سەناتورلار كەللي لەففلەر مەن دەۆيد پۋرديۋ دەموكراتتار دجون وسسوفف پەن رافاەل ۆارنوكقا قارسى سەناتتاعى ورىندار ءۇشىن كۇرەسۋدە.
ياعني اق ءۇيدىڭ جارلىقتارى مەن بۇيرىقتارىنىڭ مۇنداي ەرەجەسى نەگىزىنەن سىرتقى ساياساتپەن شەكتەلەدى جانە بايدەنگە ترامپتىڭ يرانمەن يادرولىق كەلىسىمنەن نەمەسە پاريجدەگى كليماتتىڭ وزگەرۋى تۋرالى كەلىسىمنەن شىعۋ سياقتى كەيبىر شەشىمدەرىن قايتا قاراۋعا مۇمكىندىك بەرەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟