اقش-تا ۆاكتسيناتسيا باستالدى

اقش-تا حالىققا كوروناۆيرۋسكە قارسى ەكپە سالۋ باستالدى. مالىمەتتەر بويىنشا، Pfizer جانە BioNTech كومپانيالارىنىڭ پرەپاراتتارى ەلدىڭ 145 مەديتسينالىق ورتالىعىنا جەتكىزىلمەك.

وسىعان بايلانىستى مالىمدەمە جاساعان اقش پرەزيدەنتى دونالد ترامپ: «ءبىز نەبارى 9 اي ىشىندە ءتيىمدى ءارى قاۋىپسىز ۆاكتسيناعا قول جەتكىزدىك. بۇل تاريحتاعى ەڭ ءىرى عىلىمي جەتىستىكتەردىڭ ءبىرى. پرەپارات ميلليونداعان ادامنىڭ ءومىرىن ساقتاپ قالادى. ءبىز ۆاكتسينا جاساۋمەن اينالىساتىن كومپانيالارعا كوپ اقشا بولدىك. ەندى مىنە، ناتيجەسىن كورىپ وتىرمىز. امەريكا حالقى اتىنان عالىمدارعا، دارىگەرلەر مەن بارلىق ماماندارعا العىسىمدى ايتامىن»، – دەدى.

12 جەلتوقساندا اقش-تىڭ قۇزىرلى ورگاندارى Pfizer جانە BioNTech كومپانيالارىنىڭ كوروناۆيرۋسقا قارسى ۆاكتسيناسىن توتەنشە جاعدايلاردا قولدانۋعا رۇقسات بەردى. پرەپاراتتى العاشقى بولىپ مەديتسينالىق قىزمەتكەرلەر مەن قارتتار الادى دەپ جوسپارلانىپ وتىر. وتكەن اپتادا ۇلىبريتانيا بيلىگى دە ۆاكتسينانى قولدانۋعا رۇقسات بەرگەن.

سىناقتان ءساتتى ءوتىپ، كوروناۆيرۋستى ەمدەۋدە 90%-دان ارتىق دالدىك كورسەتكەن ۆاكتسينالار قاتارىندا Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسى بار. امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان استام وڭ ناتيجە كورسەتكەن.

جىل سوڭىنا دەيىن ۆاكتسينا 40 ميلليون امەريكاندىققا سالىنۋى ءتيىس. وسى كۇنگە دەيىن اتالعان ەكى پەرپاراتتى ءوز اۋماعىندا قولدانۋعا 6 ەل رۇقسات بەردى. سولاردىڭ قاتارىندا اقش-تان بولەك ۇلىبريتانيا، مەكسيكا، كانادا، باحرەين مەن ساۋد ارابياسى بار. ەۋرووداق ەلدەرىندە ۆاكتسينانىڭ ساپاسىنا قاتىستى تەكسەرۋ ءالى جالعاسىپ جاتىر. ول 29 جەلتوقسانعا دەيىن اياقتالۋى ءتيىس.

"The Qazaq Times"