قىرعىزستاننىڭ مەملەكەت باسشىسى لاۋازىمىنا ۇمىتكەرلەر سانى 63-تەن 20 ادامعا دەيىن قىسقاردى. ازاتتىك ۇنالعىسىنىڭ حابارلاۋىنشا، 11 ادام سايلاۋعا قاتىسۋ تۋرالى ءوتىنىشىن ءوز ەركىمەن قايتارىپ العان.
قازىرگى ۋاقىتتا وسك ۇمىتكەرلەر ۇسىنعان قولداردىڭ راستىعىن تەكسەرۋگە كىرىسكەن. ورتالىق سايلاۋ كوميسسياسىنىڭ مالىمدەمەسىندە: «20 ادام 30 مىڭ ادامنىڭ قولى مەن 1 ملن سوم (شامامەن $13 مىڭ) كولەمىندەگى كەپىل اقشانى زاڭدا بەكىتىلگەن مەرزىمدە جيناپ ۇلگەردى. تەكسەرىستەن سوڭ ۇمىتكەرلەر سانى تاعى ازايۋى مۇمكىن ەكەنىن جوققا شىعارمايمىز»، – دەلىنگەن.
پرەزيدەنتتىككە ۇمىتكەرلەر سايلاۋالدى ۇگىت-ناسيحات جۇمىستارىنا 15 جەلتوقساندا كىرىسەدى. ال ەلدەگى مەرزىمىنەن بۇرىنعى پرەزيدەنتتىك سايلاۋ 2021 جىلدىڭ 10 قاڭتارىنا وتەدى.
ۇمىتكەرلەر قاتارىندا ۇلتتىق قاۋىپسىزدىك مەملەكەتتىك كوميتەتىنىڭ بۇرىنعى باسشىسى ابديل سەگيزباەۆ، «بۋتۋن كىرگىزستان» پارتياسىنىڭ كوشباسشىسى اداحان مادۋماروۆ، بىرنەشە شاقىرىلىم دەپۋتاتى ءارى جۋرناليست كانىبەك يماناليەۆ، ءىىم باسشىسىنىڭ بۇرىنعى ورىنباسارى كۋرسان اسانوۆ، كاسىپكەر ارستانبەك ابدىلداەۆ پەن مەملەكەت باسشىسىنىڭ مىندەتىن اتقارىپ كەلگەن سادىر جاپاروۆ بار.
تاياۋدا قىرعىزستان پرەزيدەنتىنىڭ مىندەتىن اتقارۋشى جانە پرەمەر مينيستر بولعان سادىر جاپاروۆ كونستيتۋتسياعا وزگەرتۋلەر ەنگىزۋ دەگەن باستامانى ۇسىنعان. قولدانىستاعى قىرعىز اتا زاڭى وعان پرەزيدەنت مىندەتىن ۋاقىتشا اتقارۋشىعا ونداي قۇقىق بەرمەگەن.
قىرعىزستانداعى ساياسي جاعدايلاردى باعامداعان تاۋەلسىز ساراپشىلار بۇل وزگەرىستەردىڭ ەلدى ودان بەتەر تىعىرىققا تىرەيتىنىن ايتادى. سونداي-اق، 30 جىل بىرتىندەپ بولسا دا العا ىلەرىلەپ كەلە جاتقان قىرعىز دەموكراتياسى داعدارىستان كەيىن كەرى كەتسە بۇل ايماقتاعى دەموكراتيالىق پروتسەستەرگە كەرى اسەرىن تيگىزەدى دەپ سانايدى. سەبەبى، ماڭىنداعى اۆتوريتارلىق رەجيمدەر ەندىگى جەردە قىرعىزدى مىسال ەتىپ، ەلدەگى ازاماتتىق قوعامنىڭ پروگرەسىن كەرى شەگىندىرۋى مۇمكىن دەگەن بولجامدار بار.
22 قاراشادا بىشكەكتە جۇزدەگەن ادام كونستيتۋتسيانىڭ وزگەرۋىنە قارسى بەيبىت مارشقا شىقتى. ولار جاڭا زاڭ پرەزيدەنتتى ديكتاتورعا اينالدىراتىنىن ايتادى. شەرۋشىلەر قولىندا «حانستيتۋتسياعا جول بەرمەيمىز!» دەگەن جازۋى بار پلاكات بولدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن