امەريكالىق The Wall Street Journal باسىلىمى ۇلىبريتانيا سوتى بتا بانكىنىڭ شاعىمى نەگىزىندە قازاقستاندىق ءىرى كاسىپكەر بولات وتەمۇراتوۆ پەن شەتەلدە تۇراتىن مۇحتار ءابليازوۆ جانە ءىلياس حرپانۋوۆتىڭ اكتيۆتەرىن بۇعاتتاعانىن حابارلادى.
بۇعات «بتا بانك» ءىسى بويىنشا قويىلعان. وتەمۇراتوۆ تۋرالى دەرەك سەگىز جىلدان استام ۋاقىتقا سوزىلعان ىستەگى جاڭا فاكتى بولۋىمەن كوپتىڭ نازارىن كۇشەيتتى.
بۇعاتتالعان اكتيۆتىڭ ءبىرى جانە وليگارحتىڭ يەلىگىندەگى «ۆەرنىي كاپيتال» كومپانياسى دۇيسەنبى كۇنى «جالعان قۇجاتتارعا نەگىزىندە ايىپتالىپ وتىرعانىن» مالىمدەگەن. بيزنەسمەننىڭ زاڭگەرلەرى ونىڭ ءابليازوۆتىڭ پايداسىنا قارجى جىمقىرۋعا قاتىسى جوقتىعىن دالەلدەۋگە نيەتتى.
WSJ گازەتىنىڭ دەرەگىنە قاراعاندا، اعىلشىن ازاماتتىق سوتى 13 قاراشا كۇنى وتەمۇراتوۆقا تيەسىلى بىرنەشە ەۋروپالىق قارجى بانكتەرىندەگى قاراجاتتى، جارتىلاي يەلىك ەتەتىن Ritz-Carlton قوناقۇيلەرىنىڭ ءۇش قالاداعى (ماسكەۋ، ۆەنا جانە قازاقستان استاناسى) كومپانيالارىن، سونداي-اق ۇلى ەكەۋى قوجالىق ەتەتىن Burger King فاستفۋد مەيرامحانالار جەلىسىنىڭ قازاقستاندىق فرانشيزاسىن بۇعاتتاۋعا شەشىم شىعارعان.
قازىر مەملەكەت ىقپالىنداعى «بتا بانك» اق-نىڭ شاعىمى بويىنشا (بانكتىڭ بۇگىنگى جەتەكشىسى شۋرتاباەۆا اقمارال تۋلاەۆنا – QT) بريتان سوتىندا كوپتەن بەرى قارالىپ جاتقان ىستە ەكس-باسشى مۇحتار ءابليازوۆ پەن ونىڭ كۇيەۋ بالاسى ءىلياس حراپۋنوۆپەن قوسا وليگارح بولات وتەمۇراتوۆ تا جاۋاپكەر رەتىندە شاقىرتىلعان. جۇيە ءوزىن «№1 جاۋ» سانايدى دەپ ەسەپتەيتىن ءابليازوۆ بۇل ايىپتاۋدى «فانتاستيكاعا» بالايدى.
«بتا-نىڭ» وتەمۇراتوۆقا بەت بۇرۋى – قازاقستاننىڭ ىسكەرلىك جانە ساياسي ورتاسىنداعى ىقپالدى ويىنشىلار قاتىسىپ جاتقان ىستەگى جاڭا وزگەرىس» دەپ جازادى بۇل جونىندە WSJ.
وتەمۇراتوۆ 2006-2008 جىلدارى سول كەزدەگى پرەزيدەنت نازارباەۆتىڭ ءىس باسقارۋشىسى قىزمەتىن اتقارعان، كەيىن ونىڭ شتاتتان تىس كەڭەسشىسى مىندەتىن اتقارعان.
قازاقستاندىق Forbes-ءتىڭ ەڭ سوڭعى رەيتينگىندە بولات وتەمۇراتوۆتىڭ جيعان-تەرگەنى مەن مۇلكى $2,8 ملرد كولەمىندە باعالانعان. امەريكالىق باسىلىمنىڭ مالىمەتى بويىنشا، قازىر 62 جاستاعى وتەمۇراتوۆ 2,9 ميلليارد دوللار بايلىعىمەن الەمنىڭ ەڭ اۋقاتتى ادامدارىنىڭ قاتارىندا 764-ورىندا تۇر. دەگەنمەن بيزنەسمەننىڭ وكىلى ءابدىراحمانوۆا ونىڭ كاپيتالىنىڭ شىنايى قۇنى 3,2 ميلليارد دوللار ەكەنىن ايتتى دەپ جازادى WSJ.
وليگارحتىڭ تاۋ-كەن مەتاللۋرگيا، مۇناي-گاز جانە تەلەكوممۋنيكاتسيا سالالارىنداعى، سونىمەن قوسا قارجىلىق قىزمەتتەر، جىلجىمايتىن مۇلىك، مەديا سەكتوردا اكتيۆتەرى بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟