اقش-تىڭ سۇرياداعى اسكەري بازاسىندا كەسكىلەسكەن ۇرىس بولدى

اقش اسكەري جوعارى لاۋازىمدىلارىنىڭ ءبىرى، WSJ باسىلىمىنا بەرگەن مالىمەتىندە، «يسلام مەملەكەتى» لاڭكەستىك ۇيىمى وتكەن سەنبى كۇنى ءسۇريانىڭ وڭتۇستىك جاعىندا ورنالاسقان اقش اسكەري بازاسى مەن سۇرياداعى اقش قولداۋىنداعى كۇشتەردىڭ بازاسىنا شابۋىل جاساعان. ەكى تاراپ ءبىر مايدان سۇراپىل ۇرىس سالعان. سوڭىندا اقش اسكەري بازاسىنداعىلار اۋە كۇشتەرىن كومەككە شاقىرۋ ارقىلى لاڭكەستەردى شەگىنۋگە ءماجبۇر ەتكەن.

اسكەري لاۋازىمدىلاردىڭ بەرگەن مالىمەتىندە، ءسۇريانىڭ وڭتۇستىگىندە يوردانيا شەكاراسىنا جاقىن ماڭدا ورنالاسقان ءال-تانف بازاسىندا، اتالعان لاڭكەستىك ۇيىم اۆتوكولىك قوپارىلىسىن جاساعان. وسىدان كەيىن شامامەن 30-عا جۋىق لاڭكەستەر بازاعا كۇشتى شابۋىل جاساعان.

اتالمىش بازا، اقش ارناۋلى قوسىنىنىڭ سۇرياداعى بازالارىنىڭ ءبىرى جانە بۇل ارادا اقش قولداۋىنداعى سۇريالىق كۇشتەردە بەكىنەدى. اقش-تىڭ سۇرياداعى ماڭىزدى بەكىنىسى بولىپ سانالادى.

كواليتسيالىق كۇشتەر مەن ءسۇريا ليبەرالدىق كۇشتەردى سەلبەسىپ، لاڭكەستىك شابۋىلعا توتەپ بەرگەن. الايدا، ادام شىعىنى تۋرالى ناقتى مالىمەت بەرگەن جوق.

“The Qazaq Times”