سولتۇستىك كورەيا باسشىسى ءبىر ايدان بەرى اقپارات كوزدەرىندە كورىنبەي كەتكەن. فوتو; BBC

ءبىر ايعا جۋىق اقپارات كوزدەرىنەن كورىنبەي كەتكەن سولتۇستىك كورەيا باسشىسى جۇمىسشىلار پارتياسىنىڭ جيىنىنا قاتىستى. ول تۋرالى سوڭعى رەسمي مالىمەتتە ونىڭ 22 قازان كۇنى كورەي سوعىسىندا قۇربان بولعان قىتايلىق اسكەرلەردى ەسكە الۋ شاراسىنا قاتىسقانى ايتىلعان ەدى.

كحدر باسشىسى كيم جوۋ ۋن جۇمىسشىلار پارتياسى ورتالىق كوميتەتىنىڭ جيىنىندا كوروناۆيرۋس ىندەتىنە قارسى كۇشتى دايىندىقتا تۇرۋعا تاپسىرما بەرگەن. پيوڭياڭ بيلىگى ەلدە ىندەتكە شالدىققان ەشبىر تۇرعىن جوق دەپ كەلەدى. الايدا، وڭتۇستىك كورەيا بارلاۋ ۇيىمى سولتۇستىك كورشىلەرىندە جاسىرىن كارانتيندىك لاگەرلەردىڭ بار ەكەنىن ايتادى.

كيم جوڭ ۋن بۇعان دەيىنگە ىندەتكە قارسى قاتاڭ شارالار كورەتىنىن بىلدىرگەن. كۇز باسىندا وڭتۇستىك كورەيادان شەكرا بۇزىپ وتپەك بولعان ءبىر ادام وققا ۇشقان ەدى، پيوڭياڭ بيلىگى بۇنى ىندەتكە قارسى قاتاڭ شارالاردان بولعانىن العا تارتقان. جانە دە سول وڭتۇستىك كورەيانىڭ بارلاۋ قىزمەتى انىقتاعان دەرەكتە ۆيرۋس جۇقتىرعان قىتايلىقتاردىڭ كىرمەسى ءۇشىن سولتۇستىك كورەيا شەكاراعا مينا كومگەنى دە ءمالىم بولدى.

بىراق، قىتايعا جاقىن شەكارالارداعى وڭتۇستىك كورەيالىقتار كەدەيشىلىك پەن اشارشىلىقتا ءومىر ءسۇرىپ جاتقانى تۋرالى حالىقارالىق ۇيىمدار مالىمدەپ كەلەدى. ولارعا جەتكىلىكتى مەديتسينالىق كومەك كورسەتىلمەيدى جانە ءدارى-دارمەك جوق دەسە دە بولادى. كەيبىر مالىمەتتەردە كوروناۆيرۋستىڭ سيمپتومدارى بار كەيبىر سولتۇستىك كوەريالىقتاردىڭ اۋرۋ بەلگىلەرىن جاسىرىپ، ۇيىندە ەمدەلىپ جاتقانى دا ايتىلادى.

سىرتقا جابىق ەل بولعاندىقتان سولتۇستىك كورەياداعى ساياسي جاڭا قادامدار مەن جوعارى لاۋازىمدىلاردىڭ الماسۋلارى تۋراسىندا بولجام جاساۋ قيىن. كحدر باسشىسى كيم جوڭ ۋننىڭ اقپارات بەتىنەن جوعالىپ كەتۋى مەن قايتا پايدا بولۋىن وڭتۇستىك كورەيانىڭ بارلاۋ قىزمەتى ءجىتى قاداعالاپ وتىرادى. بۇل رەتتە دە ونىڭ ءبىر ايعا جۋىق ۋاقىتتان كەيىن پارتيا جيىنىنا قاتىستاقنىن وڭتۇستىك كورەيالىق بارلاۋ اگەنتتىگى حابارلادى.

“The Qazaq Times”